«Arys» ź Limasoła staŭ čempijonam Kipra pa futbole. Jaho hałoŭnym trenieram źjaŭlajecca biełarus Alaksiej Špileŭski, a prezidentam — biełaruski biznesoviec Uładzimir Fiodaraŭ.
Siońnia asnoŭny kankurent «Arysa», kłub «APAEŁ» prajhraŭ u haściach «Apałonu» ź likam 2:3, i ŭžo nie dahonić «Arys». U čempijanacie Kipra zastałosia zhulać adzin tur.
«Arys» — 74, APAEŁ — 68, AJEK — 63, Apałon — 62.
«Arys» upieršyniu ŭ svajoj historyi staŭ čempijonam Kipra. Kłub kupiŭ u 2021 hodzie biełaruski biznesoviec Uładzimir Fiodaraŭ, jaki zaprasiŭ u lutym 2022 hoda Alaksieja Špileŭskaha. U pieršy siezon «Arys» pad kiraŭnictvam Špileŭskaha zaniaŭ 4-je miesca, a siońnia zavajavaŭ załatyja miedali.
Za kłub hulajuć dvoje biełarusaŭ: Jaŭhien Jabłonski i Arciom Šumanski.
Alaksiej Špileŭski ŭ svoj čas treniravaŭ bresckaje «Dynama», kazachstanski «Kajrat», jaki pryvioŭ da čempijonstva ŭ 2020 hodzie, niekalki miesiacaŭ treniravaŭ kłub niamieckaha druhoha dyvizijona «Erchebirhie».
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk4
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
Kamientary