«My nie paciahniem kryteryi, jakija ciapier vyznačajuć udzielnikaŭ Jeŭrabačańnia i jakija pa-sapraŭdnamu źjaŭlajucca kryteryjami adkrytaha satanizmu», — skazaŭ ministr zamiežnych spraŭ Rasii
Ministr zamiežnych spraŭ Rasii Siarhiej Łaŭroŭ vyklučyŭ udzieł Rasii ŭ «Jeŭrabačańni» z-za «satanizmu» na konkursie, paviedamlaje «Dožd́».
«Ja chaču adrazu skazać: my nie paciahniem kryteryi, jakija ciapier vyznačajuć udzielnikaŭ Jeŭrabačańnia i jakija pa-sapraŭdnamu źjaŭlajucca kryteryjami adkrytaha satanizmu. Nie paciahniem my, ščyra kažučy», — zajaviŭ kiraŭnik MZS Siarhiej Łaŭroŭ.
U piatnicu dyrektar konkursu Marcin Hryn dapuściŭ mahčymaść viartańnia Rasii na konkurs i zajaviŭ, što krainu adchilili nie z-za pačatku vajny suprać Ukrainy, a tamu što nie ŭdałosia dakazać niezaležnaść dziaržaŭnaha viaščalnika VHTRK ad Kramla.
Pry hetym užo pierad finałam «Jeŭrabačańnia» Hryn zajaviŭ, što nijakich płanaŭ ab viartańni rasijskich viaščalnikaŭ niama.
Arhanizatary konkursu abviaścili ab vyklučeńni Rasii z udziełu 25 lutaha 2022 hoda. Biełaruś adchilili ŭ 2021 hodzie.
Rasija ŭ adkaz u minułym hodzie praviała konkurs «Interbačańnie».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary