Biełaruś uvajšła ŭ suśvietny antytop-5 pa kolkaści naradžeńniaŭ
U Biełarusi ŭ 2025‑m naradziłasia mienš za 6 dziaciej na 1000 čałaviek. Horš tolki ŭ Paŭdniovaj Karei, Ukrainie i karlikavych Vatykanie i San-Maryna.
Za 2025 hod u Biełarusi naradziłasia 54 257 dziaciej, havorycca ŭ statystycy Biełstata.
Heta čarhovy antyrekord — u 2024‑m naličyli 58 938 dziaciej, što taksama ličyłasia najhoršym pakazčykam z časoŭ vajny.
Bolš za ŭsio dziaciej naradzilisia ŭ Minsku (9543), Minskaj vobłaści (9139) i Bresckaj vobłaści (9285). Mienš za ŭsio — u Viciebskaj vobłaści — 5773.
Kali paraŭnać z hodam prychodu Alaksandra Łukašenki da ŭłady, to kolkaść narodžanych skaraciłasia roŭnaja ŭdvaja. U 1994 hodzie źjaviłasia na śviet 111 tysiač dziaciej.
U vyniku ahulny kaeficyjent naradžalnaści ŭ Biełarusi apuściŭsia nižej za 6 (ličycca kolkaść narodžanych na 1000 čałaviek).
Biełaruskija 5,99 — katastrafičny pakazčyk. Horš u śviecie tolki ŭ Paŭdniovaj Karei (4,76), Ukrainie (5,65), a taksama karlikavych Vatykanie i San-Maryna.
Choć u realnaści karcina ŭ Biełarusi trochi lepšaja. Prosta ŭłady stali zakładnikami taho, što zavyšajuć kolkaść nasielnictva. Kali pieraličvać kolkaść naradžeńniaŭ nie na dekłarujemyja 9,1 miljona čałaviek, a na realnyja 8-8,5 miljona (to-bok nie ŭličvać biełarusaŭ, jakija vyjechali z krainy), to pakazčyk vyhladaŭ by prezientabielniej.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary
A ostalnyje - skotnyje dvory opisannyje Orruełom.