Arhanizatary fiestyvala Lidbeer nasupierak svajoj raniejšaj zajavie abjavili, što tradycyjnaje mierapryjemstva sioleta ŭsio ž taki ŭ Lidzie projdzie. Jahonaja data — 29 žniŭnia.
«My padumali i vyrašyli, što ŭ jubilejny hod kampanii my pavinny zrabić sapraŭdny padarunak kožnamu z vas i sabrać usich u nas u haściach u Lidzie, kab razam adznačyć 150‑hodździe kampanii «Lidskaje piva», — paviedamlajecca ŭ sacsietkach fiestyvala.
Jakija ŭmovy arhanizatavy vykanali, kab fiestyval usio ž prajšoŭ, nie ŭdakładniajeca. Śćviardžajecca, što jaho viarnuli «pa šmatlikich prośbach».
Pra admienu fiestyvala stała viadoma 19 sakavika. Pra heta paviedamlali sami arhanizatary, adznačyŭšy, što
«jak pryniata havaryć u takich vypadkach, fiestyval nie adbudziecca pa pryčynach, jakija ad nas nie zaležać».
Pierad tym i paśla taho ŭ Biełarusi abjavili pra admienu jašče šerahu tradycyjnych fiestyvalaŭ. Heta tłumačyłasia tym, što paśla nabyćcia mocy pastanovaj Savieta Ministraŭ № 454 ad 22 žniŭnia 2025 hoda arhanizatary nie zmohuć pravieści fiestyval na zvykłym uzroŭni.
Heta pastanova ŭvodzić abaviazkovy dziaržaŭny rejestr arhanizataraŭ kulturna-vidoviščnych mierapryjemstvaŭ, u jakim pavinny być zarehistravanyja jurydyčnyja asoby, što pravodziać padobnyja padziei ź biełaruskimi abo zamiežnymi vykanaŭcami.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary