Ihnat Prylepin ustupiŭ šturmavikom u padraździaleńnie «Radnia», jakoje ŭvachodzić u skład internacyjanalnaj bryhady «Piatnaška», i ŭdzielničaje ŭ vajnie suprać Ukrainy na Słavianskim napramku. Pra heta paviedamiŭ sam piśmieńnik i prapahandyst Zachar Prylepin Z-vajenkaru Siamionu Piehavu. Videa vykładziena ŭ telehram-kanale apošniaha WarGonzo.
«My tut užo nazvali hetuju sustreču «baćki i dzieci». Tamu što, adpaviedna, pierad vami dva baćki i dva syny. Baćki darosłyja, nie skažu, što hieraičnyja, ale pažyŭšyja. A dzieci ŭžo dakładna hieraičnyja, tamu što tut sa mnoj staić Hryhoryj «Sańka» Cišyn, ščyra kažučy, apałčeniec 14—15 hoda, jaki viarnuŭsia na SVA. I akramia ŭsiaho inšaha jašče i pratatyp hałoŭnaha hieroja ramana «Sańkia».
Voś, dalej staić moj syn Ihnat — ciapier taksama šturmavik, udzielnik SVA i h. d. i t. p. Pobač staić adzin z našych nastaŭnikaŭ — čałaviek, jaki ŭ limonaŭskaj partyi byŭ dla nas baćkam i «staršakom» i, pakul Limonaŭ siadzieŭ u turmie, kiravaŭ pa sutnaści partyjaj. Čałaviek, jakoha ŭsia partyja pavažała i lubiła, jaki musiŭ jaje ŭ vyniku ŭznačalić, ale nie ŭznačaliŭ, heta Anatol Cišyn. Taksama adzin z hierojaŭ ramana «Sańkia», adzin z centralnych piersanažaŭ», — skazaŭ na videa Zachar Prylepin.
Interbryhada «Piatnaška» i jaje kamandzir, abchaz Achra Avidzba, abvinavačvajucca ŭ ździajśnieńni šerahu ciažkich złačynstvaŭ: maradziortvie, vykradańniach, katavańniach ukrainskich vajennapałonnych i niezakonnym udziele ŭ bajavych dziejańniach u Danieckaj vobłaści.
U kastryčniku 2025 hoda piśmieńnik i prapahandyst Zachar Prylepin zajaviŭ pra svajo viartańnie na front paśla adnaŭleńnia ad traŭmaŭ i ranieńniaŭ, atrymanych paśla padryvu ŭ aŭtamabili na minie ŭ Nižaharodskaj vobłaści.
U mai 2023 hoda ŭ Nižaharodskaj vobłaści byŭ padarvany aŭtamabil Zachara Prylepina. U vyniku sam jon atrymaŭ ciažkija ranieńni, a achoŭnik Alaksandr Šubin zahinuŭ na miescy. U toj ža dzień niedaloka ad miesca zamachu byŭ zatrymany Alaksandr Piermiakoŭ. U vieraśni 2024 hoda vajskovy sud pryhavaryŭ jaho da pažyćciovaha źniavoleńnia.
Prylepin: Mohiłki va ŭsich našych haradach stali vializnyja
Film pra tradycyjnyja kaštoŭnaści z Prylepinym u hałoŭnaj roli fiejeryčna pravaliŭsia ŭ rasijskim prakacie
U Teatry biełaruskaj dramaturhii źbirajucca stavić ideołaha «ruskaha śvietu» Zachara Prylepina
Kačanava: Z zadavalnieńniem pačytała Zachara Prylepina. A ź lubimaha — Puškin, Tałstoj i pravasłaŭnaja litaratura
«Prylepin zastaŭsia žyvy, ale biez hienitalij» — kiraŭnik SBU raskazaŭ padrabiaznaści śpiecapieracyj
«Ruskija — biełyja pa nieparazumieńni. Nasamreč my čyrvanaskuryja, žaŭtaskuryja, čarnaskuryja». Prylepin daŭ pieršaje vialikaje intervju paśla zamachu
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
Siońniašnija raby załatych unitazaŭ Pucina - nie vyklučeńnie. Tamu i baćka hatovy achviaravać svaim synam (jaki musić u jaho adziny - taki čas) dla zachopu choć kavałačka čužoj ziamli. Maskoŭskim orkam možna pažadać tolki adnaho - [Red. Vydalena].
[Zredahavana]