Film pra tradycyjnyja kaštoŭnaści z Prylepinym u hałoŭnaj roli fiejeryčna pravaliŭsia ŭ rasijskim prakacie
Film Andreja Hračova «Talerantnaść» ź viadomym Z-piśmieńnikam Zacharam Prylepinym u hałoŭnaj roli vyjšaŭ u prakat 11 vieraśnia, ale ŭžo da kanca miesiaca byŭ źniaty z kinazałaŭ praz poŭnuju adsutnaść hledačoŭ, paviedamlaje pointmedia.io.
Za pieršyja čatyry dni karcina sabrała ŭsiaho kala 76 tysiač rubloŭ (kala 950 dalaraŭ), jaje pahladzieli 192 čałavieki pry siaredniaj zapaŭnialnaści pakazu ŭsiaho tolki try hledačy. U nastupnyja dva tydni situacyja jašče bolš pahoršyłasia: usiaho 118 naviedvalnikaŭ i kala 400 dalaraŭ u kasie.
Biudžet stužki aficyjna nie ahučvaŭsia, ale ekśpierty aceńvajuć jaho jak minimum u 200 miljonaŭ rubloŭ (kala 2,38 miljona dalaraŭ). Spačatku Minkult nazyvaŭ film «sacyjalna značnym prajektam» i paśla zamachu na Prylepina istotna pavialičyŭ finansavańnie. Da sponsaraŭ dałučyŭsia i bank «Novy viek», źviazany z pradziusaram i kampazitaram Viktaram Drobyšam.
Asnoŭnyja zdymki prajšli ŭ Vybarhu letam i vosieńniu 2023 hoda. Stužka padajecca jak tryler pra «pahrozy zachodniaha libieralizmu i talerantnaści», utrymlivaje radykalnyja vykazvańni pra zachodniaje hramadstva. Chranamietraž — amal try hadziny.
Miascovy telekanał vypuściŭ padčas zdymak pra hety film śpiecyjalny repartaž, u jakim jaho vykanaŭčaja pradziusarka Viera Baženava pramaŭlaje słovy: «Hety film — padtrymka tradycyjnym siemjam, jakija pakutujuć ad talerantnaści».
U filmie, akramia Prylepina, źnialisia takija rasijskija akciory, jak Michaił Palicejmaka, Siarhiej Čanišvili i Michaił Haravy. Ale ŭsie zbory za prakat akazalisia nastolki mizernymi, što nie pakryli navat apłaty adnaho zdymačnaha dnia adnaho akciora.
U Teatry biełaruskaj dramaturhii źbirajucca stavić ideołaha «ruskaha śvietu» Zachara Prylepina
Kačanava: Z zadavalnieńniem pačytała Zachara Prylepina. A ź lubimaha — Puškin, Tałstoj i pravasłaŭnaja litaratura
«Prylepin zastaŭsia žyvy, ale biez hienitalij» — kiraŭnik SBU raskazaŭ padrabiaznaści śpiecapieracyj
«Ja nazvaŭ Pucina impierataram i nazyvaju jaho tak pa hety dzień». Što jašče havaryŭ Zachar Prylepin?
«Ruskija — biełyja pa nieparazumieńni. Nasamreč my čyrvanaskuryja, žaŭtaskuryja, čarnaskuryja». Prylepin daŭ pieršaje vialikaje intervju paśla zamachu
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali4
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary