U Teatry biełaruskaj dramaturhii źbirajucca stavić ideołaha «ruskaha śvietu» Zachara Prylepina
«Małady, cikavy rasijski aŭtar», — prezientavała jaho dyrektarka RTBD.
Dyrektarka Biełaruskaha respublikanskaha teatra biełaruskaj dramaturhii Śviatłana Navumienka raskazała pra płany na novy siezon. Tak, u teatry źjavicca śpiecyjalny prajekt «RTBD pa paniadziełkach», u miežach jakoha buduć stavić ruskuju kłasiku na ruskaj movie.
«Ruskaja kłasika — toje pole, taja kulturnaja prastora, u jakuju zaŭsiody chočacca akunucca. Heta spryjalnaja hleba i dla raźvićcia trupy i dla mižnarodnych suviaziej, —
adznačyła Navumienka na pres-kanfierencyi i padzialiłasia jašče adnym płanam:
My pasprabujem źviarnucca da tvora maładoha, nu 50 hadoŭ, cikavaha rasijskaha aŭtara. Jon vielmi papularny, daŭno staić u samych top-listach. Heta Zachar Prylepin».
Pa słovach Navumienki, teatr ciapier viadzie pieramovy z rasijskim režysioram Juryjem Pachomavym, kab pastavić na biełaruskaj scenie «Pacanskija raskazy» viadomaha ideołaha «ruskaha śvietu».
«Heta cikava, heta litaratura sučasnaja. Bolš za toje, ja dumaju, što rasijski hladač, dła jakoha my płanujem vyjazdžać na hastroli, taksama zacikavicca svaim aŭtaram», — davodzić dyrektarka.
Nahadajem, 6 maja 2023 hoda ŭ Nižaharodskaj vobłaści padarvali aŭtamabil Prylepina. Jaho achoŭnik Alaksandr Šubin zahinuŭ na miescy, a sam piśmieńnik atrymaŭ surjoznyja ranieńni.
«Pacanskija raskazy» pa Prylepinu stanuć adnoj z troch premjer teatra ŭ novym siezonie pobač z «Chamam» Elizy Ažeški i «Ładździoj rospačy» Uładzimira Karatkieviča.
Navumienka raskazała taksama, što chacieła b dać placoŭku teatra dla maładoj režysiorki z Maskvy, vypusknicy muzyčnaha teatra dla pastanoŭki «maleńkaj opiery».
«Vykanalnicki skład dla hetaha jość, u trupu na praciahu hoda ŭziata šeść novych akcioraŭ šlacham pakazu. Vielmi žorstki adbor byŭ u nas — i viedańnie biełaruskaj movy, i vakał, i płastyka. Brali maładych akcioraŭ, aktrys», — padzialiłasia Śviatłana Navumienka.
Nahadajem, što tolki ŭ listapadzie 2024 hoda z teatra było zvolniena šeść akcioraŭ. U vyniku z repiertuara źnikła siem śpiektaklaŭ.
«U biełaruskim teatry sioleta rost represij. Tolki ŭ listapadzie zvolnili šeść čałaviek z RTBD»
«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie
U Teatry biełaruskaj dramaturhii źnikli z afišy śpiektakli ŭ pastanoŭcy Alaksandra Harcujeva
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii5
Kamientary