U Teatry biełaruskaj dramaturhii źnikli z afišy śpiektakli ŭ pastanoŭcy Alaksandra Harcujeva
Z afišy adnaho z najlepšych biełaruskich teatraŭ źnikła pastanoŭka «Siroža» pa pjesie Julii Čarniaŭskaj i adzin z najpapularniejšych i najviadomiejšych śpiektaklaŭ RTBD — «Karjera doktara Rausa» pa tvory Viktara Marcinoviča.
Jak zaŭvažaje reform.by, z repiertuaru vybyvajuć pastanoŭki byłoha mastackaha kiraŭnika ŭstanovy — Alaksandra Harcujeva, jaki siońnia pracuje razam ź niezaležnaj teatralnaj hrupaj «Kupałaŭcy» na roznych placoŭkach u Polščy. Harcujeva zvolnili z pasady jašče ŭ 2021 hodzie za aktyŭnuju hramadzianskuju pazicyju, ale «čystka» jaho režysiorskich pracaŭ adbyłasia pastupova.
«Karjera doktara Rausa» i «Siroža» jašče pakazvalisia ŭ RTBD u minułym siezonie teatra. Na «Sirožu» možna było patrapić, prynamsi, jašče ŭletku.
Čarhovaja «prapołka» śpiektaklaŭ «niedabranadziejnych aŭtaraŭ» u RTBD — śviedčańnie dalejšaj pracy ideałahičnaha aparata: «čornyja śpisy» papaŭniajucca i ščylna adsočvajucca.
-
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
-
A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
-
Novy mastacki kiraŭnik Kupałaŭskaha — rasijanin z pravincyjnych teatraŭ
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary