«U biełaruskim teatry sioleta rost represij. Tolki ŭ listapadzie zvolnili šeść čałaviek z RTBD»
Tolki ŭ piaci biełaruskich teatrach z 2020-ha całkam zachavałasia kiraŭnictva.
Biełaruskaja rada kultury zładziła ŭ Vilni kruhły stoł pra vyniki hoda ŭ biełaruskaj kultury. Padčas jaho teatralny krytyk Dzianis Marcinovič adznačyŭ — na jaho dumku, u 2024-m biełaruski teatr zaznaŭ rost represij.
Kab raskazać pra represii ŭ teatry, Marcinovič pryvodzić niekalki prykładaŭ. Pieršy ź ich, ale nie adziny, — historyja RTBD:
«Šeść — stolki čałaviek byli zvolnienyja ŭ listapadzie hetaha hoda z Respublikanskaha teatra biełaruskaj dramaturhii. Heta šeść akcioraŭ, i z-za ich zvalnieńnia z repiertuara teatra źnikła siem śpiektaklaŭ. Heta byli adny z najlepšych akcioraŭ i adny z najlepšych śpiektaklaŭ [teatra].
Ujavicie, što jość kamanda, jakaja hulaje adnosna niadrenna, i ź jaje zabirajuć najlepšych hulcoŭ. Treniera taksama mianiajuć i kažuć: hulajcie dalej. Z adnaho boku, ludzi, jakija zastajucca ŭ takoj kamandzie, nie stanuć hulać horš, ale biez svaich partnioraŭ i ź inšym trenieram vyniki mohuć być inšyja».
Taksama krytyk źviarnuŭ uvahu, što tolki ŭ piaci biełaruskich teatrach z 2020-ha całkam zachavałasia kiraŭnictva — dyrektar i mastacki kiraŭnik ci režysior. U astatnich 23 teatrach pakidaŭ pasadu abo niechta adzin z kiraŭnictva, abo kiraŭnictva całkam. U hetaha jość i niepalityčnyja pryčyny, ale, kaža Marcinovič, mnohija z hetych zvalnieńniaŭ źviazanyja z palitykaj, dy i dla biełaruskaha teatra nietypova, kali tak časta źmianiajecca kiraŭnictva.
Represii ŭ teatry ŭpłyvajuć i na druhuju važnuju tendencyju — kadravy deficyt.
«U krasaviku hetaha hoda dyrektara biełaruskaha Teatra lalek zabrali na pavyšeńnie, jon pajšoŭ u Minharvykankam. I da kastryčnika teatr pracavaŭ biez dyrektara, bo nie mahli znajści jamu zamienu, — zaŭvažaje krytyk. —
U sakaviku zvolnili dyrektara ŭ Muzyčnym teatry, tam dyrektara dahetul niama. Ciapier tam abaviazki dyrektara vykonvaje čałaviek, jaki da hetaha byŭ namieśnikam dyrektara, a jašče raniej pracavaŭ inžynieram — kłasičny technar, jaki zabiaśpiečvaŭ funkcyjanavańnie teatra jak vytvorčaj adzinki. Taja ž situacyja ŭ Homielskim teatry lalek: dyrektara zvolnili, a nikoha zamiest jaho nie pryznačyli».
«Naša Niva» — bastyjon biełaruščyny
PADTRYMAĆZvolnili dyrektarku teatra biełaruskaj armii
«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie
Aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu14
Kamientary