Kačanava: Z zadavalnieńniem pačytała Zachara Prylepina. A ź lubimaha — Puškin, Tałstoj i pravasłaŭnaja litaratura
Ź nierasijskich aŭtaraŭ Kačanava zhadała tolki Remarka.
Staršynia Savieta Respubliki Natalla Kačanava raskazała ŭ intervju haziecie «Znamia junosti», jakija knihi čytaje.
«Pieryjadyčna viartajusia da kłasiki, časam čytaju lohkuju litaraturu (kab razhruzicca), saču za sučasnymi biestsielerami, lublu histaryčnyja ramany i aŭtabijahrafii. Praŭda, vielmi vybaračna: u sutkach, na žal, usiaho 24 hadziny.
U majoj starejšaj dački jość asabistaja vialikaja siamiejnaja biblijateka, jakuju jana pastajanna papaŭniaje, u tym liku redkimi vydańniami. U asnoŭnym ja biaru knihi ŭ jaje. Pa rekamiendacyi dački niadaŭna z zadavalnieńniem pračytała dva tvory Zachara Prylepina — «Abiciel» i «Jasienin. Abiacajučy sustrečy napieradzie». Moj tata vielmi lubić hetaha paeta-siarebranika, vosieńniu budzie 130 hadoŭ z dnia jaho naradžeńnia. Časam knihi dorać kalehi i siabry, niešta biaru pačytać u hramadskaj biblijatecy.
Z ulubionaha — Puškin. «Jaŭhienija Aniehina» viedała praktyčna na pamiać. Niepaŭtornaja aniehinskaja strafa. I kali znoŭ pieračytvaju raman u vieršach, łaŭlu siabie na dumcy, što čytaju nie radki, a pierahortvaju pa pamiaci staronki. Jašče z ulubionych — Tałstoj i Erych Maryja Remark, jaho «Try tavaryšy» i mnohija inšyja tvory.
Nieabyjakavaja da pravasłaŭnaj litaratury. Jana naohuł zajmaje asablivaje miesca ŭ majoj dušy. Z apošnich — uspaminy Hołubievaj-Karelinaj, duchoŭnaj dački Sierafima Vyryckaha. Spadabałasia dakumientalnaje daśledavańnie Paŭła Basinskaha «Leŭ Tałstoj. Ucioki z raja», dzie jon apaviadaje ab apošnich hadach žyćcia viadomaha piśmieńnika, jaho ŭciokach z domu i śmierci, achutanaj mnostvam mifaŭ i lehiend.
Zaraz pahruziłasia ŭ aŭtabijahrafičnuju knihu «Moj teatr» pra Mikałaja Cyskarydzie. Lublu balet, chadžu z zadavalnieńniem na pastanoŭki. Niadaŭna ŭ Minsku picierskaja trupa teatra baleta Barysa Ejfmana padaryła nievierahodnaje zadavalnieńnie prychilnikam «Hanny Kareninaj», raskazaŭšy novuju staruju historyju».
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary