Pra zatrymańnie ŭ Nižaharodskaj vobłaści mužčyny, jaki moža być datyčny da siońniašniaha padryvu mašyny adyjoznaha rasijskaha prapahandysta Zachara Prylepina, paviedamiła aficyjnaja pradstaŭnica MUS Rasii Iryna Voŭk.
«U Nižaharodskaj vobłaści palicejskija pa haračych śladach zatrymali mužčynu, jaki moža być datyčny da padryvu aŭtamabila, u jakim znachodziŭsia Zachar Prylepin», — skazała Voŭk.
Źviestki pra asobu zatrymanaha i jahonuju mahčymuju rolu ŭ zamachu na Prylepina pakul nie raskryvajucca.
Raskošny Audi Q7 niamieckaj vytvorčaści, u jakim jechaŭ Prylepin, vybuchnuŭ siońnia pa darozie z Maskvy ŭ Nižni Noŭharad. Miarkujecca, što spracavała vybuchovaje prystasavańnie pad dniščam mašyny.
Pry vybuchu aŭtamabila zahinuŭ jaho kiroŭca, taksama rasijski prapahandyst, Prylepin atrymaŭ ranieńni. SK Rasii raspačaŭ pa hetym epizodzie kryminalnuju spravu pavodle artykuła «Terakt».
U zahinułaj u Ślapiancy dziaŭčynie apaznali Janu Kastrankovu2
Kamientary
Ni adnoho bajavoha padraździełu krymtataraŭ u ZSU niama (ŭ adroźnieńni ad biełarusaŭ i hruzinaŭ), a tut až adrazu partyzany ź javilisia!
adzin “kamentatar” źnik, Mikoła źjaviŭsia z svajoj łacinkaju.