Budučym pierakładčykam prapanujuć vučyć anhlijskuju i kitajskuju movy praz vystupy Łukašenki — jość i adpaviednyja padručniki
U BDUZM — tak ciapier nazyvajuć Linhvistyčny ŭniviersitet — prapanujuć vučyć pierakładčykaŭ anhlijskaj i kitajskaj movy na materyjałach vystupaŭ Łukašenki. My pahartali adzin z takich padručnikaŭ.
Chrestamatyi publičnych pramovaŭ Łukašenki vydali ŭ 2025 hodzie.
Hałoŭnaj aŭtarkaj padručnika pa anhlijskaj movie paznačanaja prarektarka ŭniviersiteta Volha Łuščynskaja. Siarod inšych aŭtaraŭ — vykładčycy fakulteta anhlijskaj movy Maryna Viarkovič i Anhielina Bachanovič-Šykuć.
Padručnik ź pierakładam na kitajskuju pamieram 154 staronki vyjšaŭ pad redakcyjaj Natalli Łapcievaj, ciapierašniaj rektarki BDUZM. Łapcieva ŭznačaliła ŭniviersitet u kastryčniku 2020-ha, kali z pasady rektarki źniali Natallu Baranavu: lehiendu ŭniviersiteta, jakaja kiravała im 25 hadoŭ, zvolnili paśla studenckich pratestaŭ.
Aŭtary knihi — vykładčyki kafiedry teoryi i praktyki kitajskaj movy: dacentka Maryna Filimonava i vykładčyki Suń Siaacyń i Siaa I. Recenzienty — jašče adna dacentka z toj kafiedry Nadzieja Michalkova i Julija Małatkova, dacentka i kiraŭnica anałahičnaj kafiedry ŭ BDU.
U padručniku prapanujuć teksty pramovaŭ Łukašenki i pierakłady pramovaŭ na kitajskuju movu. Adpaviedna, zadača studentaŭ — pierakładać na zaniatkach pramovy z kitajskaj movy i na jaje, jak skazana ŭ knizie, «dla ŭdaskanalvańnia navykaŭ vusnaha i piśmovaha pierakładu».
Na pieršaj staroncy studentaŭ vitaje partret Łukašenki ź jaho cytataj 15‑hadovaj daŭniny pra važnaść patryjatyzmu dla moładzi. Dalej iduć uvodziny, u jakich aŭtary knihi pasprabavali patłumačyć, navošta ž jany prapanujuć budučym pierakładčykam pramovy Łukašenki: pa ich viersii, heta treba, kab vučycca pierakładu palityčnych tekstaŭ i zaadno spaścihać sučasny kantekst mižnarodnych adnosinaŭ. Pra toje, što hety kantekst nie zakančvajecca na Łukašenku, u padručniku nie skazana ničoha.
Što da samich tekstaŭ, heta frahmienty pramovaŭ z roznych padziej: ad premii «Za duchoŭnaje adradžeńnie» da sustrečy z Pucinym i sa studentami ŭniviersitetaŭ. Frahmienty pradstaŭlenyja na ruskaj ci biełaruskaj movie i na kitajskaj, to-bok možna paraŭnać, jak adnolkavyja frazy vyhladajuć na roznych movach. Taksama jość asobna vydzielenyja frahmienty pramovaŭ na ruskaj movie dla pierakładu na kitajskuju.
Padručnik uražvaje tym, nakolki mała ŭ im zadańniaŭ. Niama nijakich dapamožnych materyjałaŭ, źviazanych ź pierakładam: naprykład, zadańniaŭ, jakija dapamahali b lepš pierakłaści tekst ci źviartali b uvahu na cikavyja dla pierakładu vyrazy ŭ tekstach. Aŭtary chrestamatyi prosta sabrali ŭ adnoj knizie pramovy Łukašenki na roznyja temy i ich pierakłady, a potym trochi apracavali.
«Naša Niva» — bastyjon biełaruščyny
PADTRYMAĆ«Heta hučyć horda i statusna». Rektar Biełaruskaha dziaržaŭnaha ŭniviersiteta zamiežnych moŭ pra pierajmienavańnie VNU
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ
Ad «šykoŭnaha hatela» da adnoj prybiralni na pavierch. U jakich internatach sioleta žyvuć studenty VIDEA
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»17
Kamientary
[Zredahavana]
"Ja pieratrachivaŭ svoj parłamient, i budu pieratrachivać. I ja prakrasna znaju, chto iz dziputataŭ mnie vrot".
"Kakoje iščo jajco pierapilinaje? Ja že vam paručyŭ, štoby k novamu hodu na stałach u biełarusaŭ byli narmalnyje čyłaviečyskije jajca!"
"Nadziežda Nikałajeŭna, abjiścicie, pačamu to u vas jaic nie była, prezidzient uziaŭsia za jajca - u vas małako prapała?"?