Andrej Pačobut: Biełaruskija čynoŭniki paćvierdzili, što ja mahu viarnucca
Siarod tych, chto sustrakaŭ vyzvalenaha palitviaźnia Andreja Pačobuta na biełaruska-polskaj miažy, byŭ namieśnik hałoŭnaha redaktara «Gazety Wyborczej» Bartaš Vialiński, jaki šmat hadoŭ damahaŭsia vyzvaleńnia Pačobuta z turmy. Mienavita jon supravadžaŭ vyzvalenaha žurnalista ŭ mašynie Ahienctva ŭnutranaj biaśpieki (ABW) pa darozie ŭ Varšavu i pa darozie raspytaŭ jaho pra pieražytaje ŭ turmie i pra vyzvaleńnie.
Andrej Pačobut zhadaŭ, jak trapiŭ u kałoniju ŭ Navapołacku i adrazu paśla ŭvachodu pačuŭ kryki viaźnia, jakoha katavali.
«Łahierny kapo zahadaŭ novaprybyłym kryčać, kab zahłušyć stohny źbitaha. Pačobut byŭ adzinym, chto nie kryčaŭ. Ad namieśnika načalnika turmy jon pačuŭ: «Pačobut, nam nie treba, kab ty byŭ miortvy, nam treba, kab ty byŭ žyvy». Ale pra jaho zdaroŭje nie dbali», — pierakazvaje Bartaš Vialinski słovy byłoha palitviaźnia.
U 2021 hodzie jaho źmiaścili ŭ tuju častku turmy na Vaładarcy, jakaja pryznačałasia dla asudžanych da śmiarotnaha pakarańnia.
«Dumali, što mianie adrazu zapałochajuć, złamajuć, a ja nie daŭsia. Dva hady žyŭ z adčynienym aknom. Zima, leta. A ŭ ŠIZA, heta značyć u karcary [pravioŭ tam 167 dzion], u mianie nie było ničoha. Spaŭ na doškach, — raskazvaje jon.
U źniavoleńni Pačobut schudnieŭ na 20 kh — u 2023 hodzie, kali jaho pieravodzili ŭ kałoniju, jon važyŭ 93 kh, a ciapier 74 kh.
Taksama Pačobut padzialiŭsia śviežymi ŭspaminami pra ŭžo siońniašnija padziei, kali a 3‑j hadziny nočy jaho razbudzili.
«Skazali, što mianie pieravodziać. Dobra, padumaŭ, što pajedu ŭ krytuju turmu ŭ Mahilovie, navat uzradavaŭsia, bo tam lepšyja ŭmovy, čym u Navapołacku. Ale mianie ździviła, što zahadali zabrać rečy.
«Kali kadebisty skazali, što ja vyjazdžaju ŭ Polšču, ja admoviŭsia. Zapatrabavaŭ harantyj, što zmahu viarnucca. Pryvieźli čynoŭnika administracyi prezidenta, patelefanavali polskamu pavieranamu ŭ spravach. Ja spytaŭ, ci zmahu viarnucca ŭ Biełaruś. Jon paćvierdziŭ. Paćvierdzili i biełaruskija čynoŭniki», — skazaŭ Pačobut.
Pra vyzvaleńnie Andreja Pačobuta, žurnalista i aktyvista polskaj nacyjanalnaj mienšaści ŭ Biełarusi, stała viadoma dniom 28 krasavika.
Abmien źniavolenymi pamiž Polščaj i Biełaruśsiu adbyŭsia ŭ farmacie «piać za piać». Jamu papiaredničaŭ «składany i praciahły pieramoŭny praces» pamiž biełaruskim KDB i polskim Ahienctvam raźviedki. U vyzvaleńni ŭdzielničali i Złučanyja Štaty Amieryki ŭ asobie śpiecyjalnaha pradstaŭnika prezidenta ZŠA Džona Koŭła.
Andrej Pačobut byŭ aryštavany 25 sakavika 2021 hoda, a 8 lutaha 2023‑ha asudžany za «dziejnaść, jakaja škodzić intaresam dziaržavy». Prysud składaŭ vosiem hadoŭ kałonii ŭzmocnienaha režymu. Termin adbyvaŭ u kałonii ŭ Navapołacku.
Baćka Andreja Pačobuta pra vyzvaleńnie syna: «Upadu pierad im na kaleni i pacałuju jamu ruku»
Anžalika Borys: Andrej Pačobut nie maje abmiežavańniaŭ, moža viarnucca ŭ Biełaruś
Aleś Bialacki: Vielmi rady vyzvaleńniu Pačobuta, ale nie zabyvajemsia i pra inšych
Tusk raskazaŭ, jakija słovy Pačobuta byli pieršymi na voli
Prezident Polščy zaprasiŭ Pačobuta ŭ Prezidencki pałac
Cichanoŭskaja pra Pačobuta: Jahonaja stojkaść, hodnaść i niepachisnaść stali prykładam dla nas usich
Ciapier čytajuć
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku2
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary