Palčys: Vola budzie časam žorstkaha vyprabavańnia ŭsiaho kaštoŭnaha, da čaho vy pryjšli ŭ źniavoleńni
Viadomy błohier i były palitviazień Eduard Palčys, jaki pravioŭ za kratami apošnija 5,5 hadoŭ, pavinšavaŭ biełarusaŭ ź Vialikadniem. U svaim dopisie jon nazvaŭ hałoŭnym zdabytkam turemnych vyprabavańniaŭ viartańnie da viery.
Hałoŭny moj zdabytak paśla ŭsich turemnych pryhod za apošnija 10 hadoŭ — heta viera. Dakładniej, viartańnie da jaje.
Turma — lepšaje miesca dla asensavańnia šmat jakich prajaŭleńniaŭ žyćcia. Da i samoha siabie.
Jość umoŭna try typy ludziej u źniavoleńni: tyja, chto nie źmianiajecca; tyja, chto robicca našmat horš; i tyja, chto duchoŭna-maralna prasoŭvajucca napierad u asensavańni žyćcia.
Jak užo troški z vopytam, ja časta kazaŭ sukamiernikam — «Vola budzie časam žorstkaha vyprabavańnia ŭsiaho kaštoŭnaha, da čaho vy pryjšli ŭ źniavoleńni». Na žal, heta sapraŭdy tak. Usie lepšaje ŭva mnie ad viery, a ŭsie horšaje — ad samoha siabie.
Hetyja 5 z pałovaj hadoŭ ja maliŭsia najpierš za ŭsich viaźniaŭ. I za vas usich. A z 22‑ha — za Ukrainu. Malusia i zaraz. Bo Chrystos Uvaskros — i heta hałoŭny dzień pieramohi dla čałaviectva.
U anhielskaj jość pryhožy dziejasłoŭ — «rise up». I šmat kamu zaraz taksama nie pieraškadžała by «rise up».
Z Paschaj vas usich.
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam4
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ66
Kamientary
Sapraŭdy Ŭvaskros!
Chrystos uvaskros! Sa śviatam usich.