Пальчыс: Воля будзе часам жорсткага выпрабавання ўсяго каштоўнага, да чаго вы прыйшлі ў зняволенні
Вядомы блогер і былы палітвязень Эдуард Пальчыс, які правёў за кратамі апошнія 5,5 гадоў, павіншаваў беларусаў з Вялікаднем. У сваім допісе ён назваў галоўным здабыткам турэмных выпрабаванняў вяртанне да веры.
Галоўны мой здабытак пасля ўсіх турэмных прыгод за апошнія 10 гадоў — гэта вера. Дакладней, вяртанне да яе.
Турма — лепшае месца для асэнсавання шмат якіх праяўленняў жыцця. Да і самога сябе.
Ёсць умоўна тры тыпы людзей у зняволенні: тыя, хто не змяняецца; тыя, хто робіцца нашмат горш; і тыя, хто духоўна-маральна прасоўваюцца наперад у асэнсаванні жыцця.
Як ужо трошкі з вопытам, я часта казаў сукамернікам — «Воля будзе часам жорсткага выпрабавання ўсяго каштоўнага, да чаго вы прыйшлі ў зняволенні». На жаль, гэта сапраўды так. Усе лепшае ўва мне ад веры, а ўсе горшае — ад самога сябе.
Гэтыя 5 з паловай гадоў я маліўся найперш за ўсіх вязняў. І за вас усіх. А з 22‑га — за Украіну. Малюся і зараз. Бо Хрыстос Уваскрос — і гэта галоўны дзень перамогі для чалавецтва.
У ангельскай ёсць прыгожы дзеяслоў — «rise up». І шмат каму зараз таксама не перашкаджала бы «rise up».
З Пасхай вас усіх.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў30
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Сапраўды Ўваскрос!
Хрыстос уваскрос! Са святам усіх.