Tut žyła savieckaja elita. U Minsku pradajecca redkaja kvatera za $720 000
Zavułak Vajskovy — cichaja miaścina ŭ centry Minska, jakaja znakamitaja svajoj historyjaj. Kaliści tut budavali nizkija šmatpaviarchoviki i pryvatnyja damy dla savieckaj elity. Elitnym zavułak zastajecca dahetul, a žyllo na prodaž tut źjaŭlajecca vielmi redka.
Ciapier pa adrasie zav. Vajskovy, 10, pradajecca kvatera, adzin z pakojaŭ jakoj maje płošču typovaj «minskśvietaŭskaj» małamierki, piša Onliner.by.
Dom pa hetym adrasie maje siem pavierchaŭ i raźličany ŭsiaho na 21 kvateru. A heta značyć, što kožnaja ź ich prajektavałasia davoli prastornaj, ź vialikimi pakojami i vysokimi stolami. Cahlany budynak byŭ uźviedzieny ŭ pieryjad z 1969 pa 1971 hod i pryznačaŭsia niepasredna dla ludziej vysokich partyjnych pasad. «Tut žyli vyklučna siemji ministraŭ i akademikaŭ», — udakładniajecca ŭ abjavie.
Stylistyka doma — madernizm druhoj chvali. Nad architekturaj u svoj čas pracavali Natan Špihielman i Stalin Fiedčanka. I niachaj zaraz takoj architekturaj nikoha nie ździviš, na toj momant prajekt mocna vyłučaŭsia siarod inšych staličnych abjektaŭ.
Vakoł — zielanina, prastor i cišynia.
Na hety momant u domie vystaŭlena na prodaž kvatera płoščaj 150 kv. m. U joj čatyry pakoi płoščaj ad 17 da 30 mietraŭ. Ryełtar adznačaje:
— Spłanavanyja čatyry pakoi ź vialikaj łodžyjaj z padahrevam i panaramnymi rassoŭnymi voknami. Jość dva maleńkija bałkony ź vidam na zavułak i televyšku. Usie pamiaškańni prastornyja, kamfortnyja i napoŭnienyja dzionnym śviatłom.
Interjer u kvatery z elemientami kłasiki. Šmat dreva i vieličnych elemientaŭ. Hledziačy na abstanoŭku, nielha nie parefleksiravać pra toje, jak mocna praz hady źmianiłasia paniaćcie darahoha i elitnaha interjera. Darečy, były ŭłaśnik doma značna abnaviŭ ramont, pakinuŭšy stylistyku:
— Pakolki ŭłaśnik mierkavaŭ žyć u kvatery doŭhi čas, ramont rabiŭsia dla siabie, na sumleńnie. Byŭ zrobleny kapitalny ramont z poŭnym vydaleńniem usioj tynkoŭki i vyraŭnoŭvańniem ścien. Zamienienyja pravodka i trubapravodnaja haspadarka, u tym liku kanalizacyja i aciapleńnie. Na padłohu pakładziena trochsłojnaja dubovaja parkietnaja doška. Zroblenaja ciepła– i hukaizalacyja padłohi. Dubovyja škłopakiety dapoŭnienyja marmurovymi padakońnikami. Mižpakajovyja italjanskija dźviery zroblenyja z masivu volchi.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary