Paŭstahodździa razam — i razvod. Z-za čaho raspadajucca samyja doŭhija šluby ŭ Biełarusi
U Homielskaj vobłaści ŭ 2025 hodzie zarehistravana adrazu niekalki vypadkaŭ razvodaŭ paśla dziesiacihodździaŭ sumiesnaha žyćcia. U ZAHSach rehijona skasoŭvalisia sajuzy, jakija doŭžylisia paŭstahodździa i navat bolš, piša Onliner.
Samy praciahły šlub raspaŭsia ŭ Centralnym rajonie Homiela.
Muž i žonka pražyli razam 51 hod, 4 miesiacy i 28 dzion. Jak paviedamili ŭ ZAHSie, adnosiny faktyčna zaviaršylisia zadoŭha da aficyjnaha razvodu: para šmat hadoŭ žyła paasobku, a muž uładkavaŭ asabistaje žyćcio ź inšaj žančynaj. Pracedura rasstańnia prajšła spakojna: dzieci byli ŭžo darosłyja, majomaść padzialili mirna.
Bolš dramatyčnaja historyja adbyłasia ŭ Mazyry, dzie sužency skasavali šlub praz 50 hadoŭ, 8 miesiacaŭ i 5 dzion. Pa słovach supracoŭnikaŭ ZAHSa, apošnija 20 hadoŭ u siamji panavała «chałodnaja vajna». Muž i žonka amal nie kantaktavali, nazapasiŭšy ŭzajemnyja kryŭdy. U vyniku mužčyna padaŭ na razvod, patłumačyŭšy svajo rašeńnie nie tolki niežadańniem praciahvać sumiesnaje žyćcio, ale i stracham być pachavanym pobač z byłoj žonkaj: jon paprasiŭ dziaciej «nie kłaści ich razam».
U Rahačovie raspaŭsia šlub praciahłaściu 49 hadoŭ, 9 miesiacaŭ i 10 dzion. Da załatoha viasiella zastavałasia paŭtara miesiaca. Niahledziačy na rasstavańnie, sužency zachavali ciopłyja adnosiny i praciahvajuć kantaktavać jak dobryja znajomyja.
U hetym hodzie ŭ Homielskaj vobłaści zarehistravany i inšyja razvody praciahłych sajuzaŭ:
— u Navabielickim rajonie — 47 hadoŭ, 6 miesiacaŭ i 16 dzion,
— u Savieckim rajonie Homiela — 47 hadoŭ i 9 dzion,
— u Dobrušy — 44 hady, 8 miesiacaŭ i 29 dzion,
— u Mazyry — 43 hady, 8 miesiacaŭ i 22 dni,
— u Čačersku — 42 hady i 28 dzion.
Pamiatajecie kadeta, jaki na sustrečy z Łukašenkam śmieła vystupiŭ pa-biełarusku? Jon vyjechaŭ z krainy20
Kamientary