Novaja vieładarožka: chutka možna budzie dajechać da Minskaha mora biez prypynkaŭ
U amataraŭ takoha transpartu źjavicca kamfortny i amal biasšvovy maršrut da papularnaj rekreacyjnaj zony.
Dobryja naviny dla viełasipiedystaŭ i karystalnikaŭ srodkaŭ piersanalnaj mabilnaści: zdajecca, užo zusim chutka hałoŭnuju minskuju vieładarožku złučać z novaj vieładarožkaj, jakaja viadzie da Minskaha mora. U hetym vypadku ŭ amataraŭ takoha transpartu źjavicca kamfortny i amal biasšvovy maršrut da papularnaj rekreacyjnaj zony, piša Onliner.by.
Nasamreč mahčymaść dajechać da Zasłaŭskaha vadaschovišča na tym ža viełasipiedzie była i raniej. Ale mahistralnaja vieładarožka viała tolki da razvarotnaha kalca kala akvaparka «Lebiadziny». Dalej treba było pa ściežcy dabracca da plaža №5 «Drazdy», a potym uzdoŭž bieraha pa hruntoŭcy — da plaža №8 «Drazdy». I ŭžo adtul pa chodnikach vyjechać u bok Minskaha mora. Adnak užo hetaj viasnoj uvieś maršrut možna budzie prajechać pa novaj vieładarožcy ź plitkavym pakryćciom.
Źjaviŭsia i inšy dobraŭparadkavany maršrut, prakładzieny ŭzdoŭž Parkavaj vulicy i praśpiekta Pieramožcaŭ, jaki taksama złučaje 8‑y i 5‑y plažy vadaschovišča «Drazdy». Bolšaja častka rabot była vykanana letaś. Ale jašče ŭ sakaviku i krasaviku hetaha hoda zastavalisia karotkija niezavieršanyja ŭčastki, a pamiž staroj i novaj vieładarožkami była tolki ściežka.
Adnak, zdajecca, budaŭnictva padychodzić da zaviaršeńnia.
Tak, naprykancy minułaha tydnia vidavočca paviedamiŭ, što kala razvarotnaha kalca pobač z akvaparkam «Lebiadziny» ŭžo pačalisia ziemlanyja raboty. Chutčej za ŭsio, u bližejšy čas źjavicca złučeńnie pamiž dźviuma vieładarožkami, i na maršrucie nie zastaniecca nieŭładkavanych učastkaŭ. A heta značyć, što da Minskaha mora možna budzie dajechać na adnym dychańni.
— Plitka na kruhavym učastku (majecca na ŭvazie novaja vieładarožka) užo ŭkładziena. Što da stykoŭki z asnoŭnaj vieładarožkaj, to ciapier heta vyhladaje tak. Spuski buduć płaŭnyja, — paviedamlaje vidavočca ź miesca budaŭnictva.
Miarkujučy pa fota (dastatkova paraŭnać z tymi, što byli zrobleny mienš za tydzień tamu), raboty iduć aktyŭna, i da «biasšvoŭnaha» pierachodu z hałoŭnaj staličnaj viełamahistrali na novuju vieładarožku zastałosia zusim niašmat.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary