Ciahnik Kima ruchajecca z chutkaściu 60 km/h i maje reputacyju «ruchomaj krepaści». Tradycyjna lidary Paŭnočnaj Karei addajuć pieravahu hetamu vidu transpartu z-za biaśpieki i mahčymaści pieravozić šmatlikuju śvitu, achovu i nieabchodnyja resursy.
Lidar Paŭnočnaj Karei Kim Čen Yn nakiravaŭsia ŭ Kitaj na svaim braniravanym ciahniku, kab uziać udzieł 3 vieraśnia ŭ vajennym paradzie ŭ Piekinie z nahody hadaviny kapitulacyi Japonii ŭ Druhoj suśvietnaj vajnie, paviedamlaje The Guardian sa spasyłkaj na paŭnočnakarejskija dziaržaŭnyja ŚMI
Pavodle danych paŭnočnakarejskaj dziaržaŭnaj haziety Rodong Sinmun, Kim vyjechaŭ z Pchieńjana ŭ paniadziełak i ŭ aŭtorak ranicaj pierasiok miažu z Kitajem.
Jak adznačaje paŭdniovakarejskaje ahienctva Yonhap, bronieciahnik Kima ruchajecca z chutkaściu ŭsiaho tolki 60 km/h i maje reputacyju «ruchomaj krepaści». Tradycyjna lidary Paŭnočnaj Karei addajuć pieravahu hetamu vidu transpartu z-za biaśpieki i mahčymaści pieravozić šmatlikuju śvitu, achovu i nieabchodnyja resursy.
Unutry ciahnika abstalavany pierahavornyja pakoi, spalnyja pamiaškańni, kabiniet z draŭlanymi panelami i skuranymi kresłami.
U sieradu paŭnočnakarejski dyktatar razam z kitajskim kiraŭnikom Si Czińpinam i pravicielem Rasii Uładzimiram Pucinym buduć nazirać za maštabnym vajennym paradam u Piekinie. Pavinien prysutničać na paradzie i Alaksandr Łukašenka.
Heta budzie pieršy raz, kali Kim, Si i Pucin, usie klučavyja supierniki ZŠA, źbiarucca na adnoj placoŭcy,adznačaje vydańnie.
«U apošnija hady źniešniaja palityka Pchieńjana była skancentravana na Maskvie, jakoj KNDR pastaŭlała vajskoŭcaŭ i bojeprypasy dla padtrymki vajny Rasii suprać Ukrainy ŭ abmien na vajskovuju i ekanamičnuju dapamohu. Naturalna, adnosiny z Kitajem sapsavalisia ŭ niadaŭnim minułym, adnak ekśpierty kažuć, što ciapierašni vizit moža stać sprobaj Kima adnavić suviazi z hałoŭnym handlovym partnioram i donaram Paŭnočnaj Karei».
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku25
Kamientary