U Hiermanii biežaniec ź Iraka šturchnuŭ pad ciahnik 16-hadovuju ŭkrainku
Dziaŭčyna była biežankaj z Maryupala.
U niamieckim horadzie Frydłand zabili 16‑hadovuju ŭkrainku. Dziaŭčynu šturchnuli pad hruzavy ciahnik na čyhunačnym vakzale, paviedamlaje Ukrainskaja praŭda sa spasyłkaj na niamieckija ŚMI
Trahiedyja adbyłasia 11 žniŭnia kala 16:00 pa miascovym časie. 31‑hadovy hramadzianin Iraka šturchnuŭ 16‑hadovuju Lijanu pad hruzavy ciahnik, jaki prajazdžaŭ mima. Ciahnik ruchaŭsia z chutkaściu kala 100 kiłamietraŭ za hadzinu.
Niezadoŭha da hetaha palicyja atrymała vyklik z nahody chulihanstva na vakzale. Prybyŭšy na miesca, patrul znajšoŭ mužčynu, jaki pakazaŭ na cieła dziaŭčyny na płatformie. Toj patłumačyŭ, što prosta znajšoŭ jaje, i, pakolki inšych padazreńniaŭ nie ŭźnikła, pravaachoŭniki nie zatrymlivali jaho.
Praviedzienyja daśledavańni DNK vyjavili ślady mužčyny na pravym plačy zabitaj dziaŭčynki. Heta dazvoliła zrabić vysnovu, što jaje mocna schapili. Paśla hetaha mužčynu zatrymali, uziali pad vartu i paviedamili padazreńnie ŭ nienaŭmysnym zabojstvie. Paźniej u jaho kryvi było vyjaŭlena 1,35 ‰ ałkaholu. Jaho dastavili ŭ śpiecyjalizavany psichijatryčny špital. Pavodle paviedamleńnia NDR, u minułym u jaho dyjahnastavali paranaidalnuju šyzafreniju.
Pavodle danych prakuratury, pra papiarednija suviazi pamiž padazravanym i jaho achviaraj ničoha nie viadoma.31‑hadovy mužčyna ciapier maŭčyć i nie kamientuje vystaŭlenyja suprać jaho abvinavačvańni.
U momant zdareńnia 16‑hadovaja dziaŭčyna razmaŭlała pa telefonie ź dziedam, jaki čuŭ jaje kryki. Uličvajučy heta, baćki zahinułaj adrazu vykazali sumnievy da viersii palicyi pra niaščasny vypadak. Heta trahiedyja šakavała miascovuju supolnaść.
Viadoma, što 16‑hadovaja dziaŭčyna razam sa svaimi dvuma małodšymi bratami i baćkami ŭ 2022 hodzie vyjechała z Maryupala i znajšła prytułak u Niamieččynie. Lijana vučyłasia na asistenta stamatołaha.
Miascovaja supolnaść arhanizavała zbor srodkaŭ na pachavańnie zahinułaj. Na dadzieny momant udałosia sabrać bolš za 24 tysiačy jeŭra.
U chodzie rasśledavańnia taksama ŭstanoŭlena, što hramadzianin Iraka niekalki hadoŭ pražyvaŭ u Niamieččynie, niahledziačy na admovu ŭ nadańni prytułku i rašeńnie ab departacyi jon zastavaŭsia ŭ krainie.
Ciapier čytajuć
Što za dvaccacihadovyja dziaŭčaty nalivajuć čaj Łukašenku4
Što za dvaccacihadovyja dziaŭčaty nalivajuć čaj Łukašenku
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary
Kali b NN bolš pisała pra heta, biełarusy moža b zrazumieli. Voś niadaŭna ŭ Niderłandach byŭ vialiki skandał z hvałtaŭnikom i zabojcam ź Nihieryi. Ale tut pra heta nie pisałasia, a pra Tejłar Śvift tak.
Jak raz kružyli vakoł vakŭała ŭ Frydłandzie..