Urad Finlandyi prapanavaŭ zakonaprajekt, jaki istotna pavialičyć kolkaść vajskovaha reziervu. Płanujecca padniać vierchniuju miažu ŭzrostu znachodžańnia ŭ zapasie z 60 da 65 hadoŭ dla ŭsich, chto naradziŭsia paśla 1966 hoda. A dla pałkoŭnikaŭ i aficeraŭ vyšejšaha ranhu abmiežavańnia pa ŭzroście naohuł nie budzie — jany buduć ličycca prydatnymi da słužby, pakul dazvalaje zdaroŭje, piša The Moscow Times.
U vyniku kolkaść reziervistaŭ moža vyraści na 125 tysiač i da 2031 hoda pieravysić adzin miljon čałaviek. Heta zrobić finskuju armiju najbujniejšaj u Jeŭrasajuzie i druhoj pa vieličyni ŭ Jeŭropie paśla rasijskaj.
Udzielničać u zborach buduć tolki tyja, chto maje pryznačeńnie na vajenny čas. A dla dobraachvotnikaŭ, jakija chočuć dałučycca da abarony krainy, uzrostavych miežaŭ nie budzie.
Padobnyja tendencyi nazirajucca i ŭ inšych jeŭrapiejskich krainach paśla pačatku vajny va Ukrainie: Francyja da 2035 hoda choča padvoić svoj rezierv da 105 tysiač, Hiermanija — pavialičyć da 200 tysiač praz uviadzieńnie paŭhadavoj dobraachvotnaj słužby, a Polšča płanuje naraścić vojska razam z reziervistami da paŭmiljona.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy88
Kamientary