Na jakich vulicach Minska čaściej za ŭsio spyniajucca turysty?
U Minsku samaj papularnaj vulicaj dla arendy žylla na sutki stała vulica Ihara Łučanka. Pavodle źviestak servisu «Kufar Padarožžaŭ», mienavita tam turysty čaściej za ŭsio spynialisia na načleh — za minuły hod kala 13 tysiač razoŭ, piša Office Life.
Uvohule rynak pasutačnaj arendy praciahvaje raści: za hod u Biełarusi było zabraniravana bolš za 400 tysiač načej u kvaterach.
Vysokim popytam u stalicy taksama karystajucca kvatery na vulicach Piatra Mścisłaŭca, Nikoły Tesły, Biełhradskaj i na praśpiekcie Miru. Bolšaść ź ich znachodzicca ŭ novych mikrarajonach, pieravažna ŭ kompleksie «Minsk-Śviet». Analityki tłumačać papularnaść hetaj łakacyi vialikaj prapanovaj, sučasnym ramontam i adnosna dastupnymi cenami.
U dziasiatku samych zapatrabavanych taksama ŭvajšli praśpiekt Dziaržynskaha, vulicy Prytyckaha, Brackaja, Bryleŭskaja i Aeradromnaja. Pry hetym turysty achvotna vybirajuć i kvatery ŭ damach staroj zabudovy — popytam karystajucca praśpiekty Niezaležnaści i Pieramožcaŭ.
U rehijonach taksama nazirajecca rost cikavaści da pasutačnaj arendy. U Breście najbolš zapatrabavanaja vulica Hohala, u Viciebsku — Maskoŭski praśpiekt, u Homieli — praśpiekt Pieramohi. U Hrodnie najbolš prapanoŭ na vulicy Kurčatava, a ŭ Mahilovie — na praśpiekcie Miru.
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
U «Minsk-Śviecie» pradajecca dvuchuzroŭnievy pientchaŭs z cudoŭnym vidam na horad
«Uvieś čas zastajecca čorny asadak». U «Minsk-Śviecie» skardziacca na žudasnuju vadu
U «Minsk-Śviet» znajšli «nieisnujučy» dom
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary