Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
U Minsku praciahvajecca rekanstrukcyja adnaho z budynkaŭ Nacyjanalnaha mastackaha muzieja. Na vyjaznoj naradzie kiraŭnictva Leninskaha rajona horada paviedamiła, što na abjekcie arhanizavany kantrol biaśpieki, a vonkavy vyhlad budynka na ciapierašnim etapie nie pavinien vyklikać zaniepakojenaści ŭ haradžan, piša BiełTA.
Mietaličnyja kałony, jakija ciapier bačnyja na fasadzie, źjaŭlajucca časovaj sistemaj umacavańnia. Jany patrebnyja dla taho, kab pravieści poŭnuju zamienu ŭnutranych kanstrukcyj i pierakryćciaŭ. Paśla zaviaršeńnia rabot budynak pavinien viarnuć svajo histaryčnaje abličča.
Płanujecca adnaŭleńnie ŭsich elemientaŭ, u tym liku ŭnutranaj lapniny i architekturnaha dekoru. Budynak jak abjekt historyka-kulturnaj kaštoŭnaści pavinien maksimalna zachavacca ŭ pieršapačatkovym vyhladzie. Kantrol za chodam rabot robiać administracyja rajona i śpiecyjalisty prajektnaj arhanizacyi.
Da kanca 2027 hoda płanujecca zaviaršyć uvieś kompleks muzieja. U im źjaviacca novyja halerei, pierachody, unutrany dvoryk z vystavačnymi załami. Kapitalny ramont asnoŭnaha budynka zapłanavany aryjencirovačna na leta 2026 hoda.
Ciapier na abjekcie viaducca ŭnutranyja demantažnyja raboty, uzmacniajucca źniešnija apornyja ścieny mietaličnymi kanstrukcyjami. Paśla hetaha buduć demantavanyja ŭnutranyja apornyja elemienty i ŭzmocnieny padmurak. Fasad, jaki ličycca histaryčnaj kaštoŭnaściu, paśla zakančeńnia asnoŭnych etapaŭ ačyściać i adnoviać ź viartańniem histaryčnaha vyhladu.
Na budoŭli pracujuć kala 70 čałaviek. Raboty ŭskładniajucca abmiežavanaj prastoraj: častka vulicy zaniataja, niama mahčymaści arhanizavać składy i techniku, tamu budaŭnictva viadziecca ŭ vielmi kampaktnych umovach.
U Minsku abjavili pra płany stvaryć skvier na byłych katalickich mohiłkach. Ale tam užo daŭno idzie budaŭnictva
Na MKAD pačali rekanstrukcyju adnaho z mastoŭ
U centry Minska źjavicca ceły muziejny kvartał
U cichi kvartał u centry Minska pryduć pieramieny. Tam budzie vializny skvier, centr sučasnaha mastactva i parkinh
Sioleta abiacajuć adkryć paśla rekanstrukcyi «karabiel» — znakamity korpus BNTU
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary