Papa Leŭ XIV niezadavoleny tym, što śviatary rychtujuć kazani praz štučny intelekt
Papa Leŭ XIV vykazaŭ niezadavolenaść tym, što niekatoryja katalickija śviatary vykarystoŭvajuć dla padrychtoŭki kazaniaŭ štučny intelekt. Padčas zakrytaj sustrečy z duchavienstvam Rymskaj dyjacezii jon zaklikaŭ ich nie paddavacca spakusie daručać takuju pracu ŠI, paviedamlaje The Vatican News.
Pavodle słoŭ pantyfika, choć technałohii i mohuć stvarać teksty, jany nie zdolnyja zamianić žyvoha śviatara i jaho asabisty dośvied viery. Papa padkreśliŭ, što kazań — heta nie prosta słovy, a śviedčańnie i padzieł chryścijanskaj viery, čaho mašyna zrabić nie moža. Jon paraŭnaŭ intelekt ź ciahlicami: kali imi nie karystacca, jany stračvajuć formu.
Akramia taho, pantyfik papiaredziŭ śviataroŭ pra niebiaśpieku atajasamlivać sacyjalnyja sietki z realnym žyćciom. Na jaho dumku, łajki i padpisčyki nie źjaŭlajucca sapraŭdnaj duchoŭnaj suviaźziu.
Pry hetym Vatykan paralelna raspracoŭvaje ŭłasnuju sistemu štučnaha intelektu dla pierakładu liturhičnych tekstaŭ u režymie realnaha času na dziasiatki moŭ. Takim čynam, uźnikaje peŭnaja supiarečnaść pamiž imknieńniem zachoŭvać tradycyju i vykarystańniem sučasnych technałohij.
Haściavy dom Vatykana stanie hatelem — Papu treba ekanomić
Śviet sustreŭ Rastvo: pieršaje kaladnaje nabaženstva papy Lva, a Tramp pravieryŭ, što Santa sapraŭdy dobry
Papa Leŭ XIV adpraviŭsia ŭ pieršaje zamiežnaje padarožža ŭ maleńki haradok u Turcyi
Mitrapalit Stanieŭski pieradaŭ Papu aficyjnaje zaprašeńnie naviedać Biełaruś
Kamientary
Takija ludzi svoj mozh užo addali na aŭtsors u čathpt.