Źjaviłasia VIDEA momantu ŭdaru ŭkrainskaj rakiety «Fłaminha» pa Votkinskim zavodzie, dzie vyrablajuć «Iskandery»
Na videa možna ŭpieršyniu pabačyć prylot «Fłaminha» na svaje vočy.
Infarmavany kanał «Dośje špiona» publikuje i videa ŭdakładniaje, što ŭdar prypaŭ pa klučavym cechu №22, a nie inšym, jak ličyłasia raniej. U hetym cechu, imavierna, vyrablajuć ćviordapaliŭnyja ruchaviki rakiet.
Udar byŭ naniesieny 21 lutaha. Analiz razbureńniaŭ pakazvaje, što vybuch adbyŭsia ŭnutry budynka, što mahło pryvieści da poŭnaha vypalvańnia ŭnutranych płoščaŭ.
Paškodžańnie moža istotna zapavolić vypusk hatovych rakietnych kompleksaŭ.
Votkinski zavod źjaŭlajecca adnym z najvažniejšych pradpryjemstvaŭ rasijskaha VPK i znachodzicca pad mižnarodnymi sankcyjami ZŠA, ES, Vialikabrytanii i inšych krain.
Kamientary