U adzinym u Minsku domie-«kałodziežy» pradajuć mansardnuju kvateru. Heta treba bačyć
Praz paru hadoŭ damami-«kałodziežami» staličnych žycharoŭ budzie nie ździvić: «Minsk-Śviet» jak moža starajecca napoŭnić horad pabudovami takoha typu. Adnak u 2014‑m źjaŭleńnie takoha šmatpaviachovika vyklikała sapraŭdny furor.
U bazie servisu «Damy i kvatery» źjaviłasia 43‑mietrovaja adnapakajoŭka pa Čarviakova, 55, raźmieščanaja na apošnim paviersie. I heta, badaj, adna z samych niezvyčajnych kvater Minska, piša Onliner.
Haspadary vyrašyli nie drabić jaje na pakoi i pakinuli «opienśpiejs» u vyhladzie kuchni-haścioŭni. Adnačasova z hetym spalnuju zonu (vielmi kampaktnuju) vynieśli na paŭtaračny pavierch. Dziakujučy vyšyni stolaŭ heta mahčyma zrabić.
Jak paznačajecca ŭ abjavie ab prodažy, u kańku kvatera maje vyšyniu 4,95 mietra, i hetuju pieravahu vykarystali. Na žal, dach skatny, tamu i spalnia atrymałasia ŭ formie trochvuholnika. Jaje płošču možna ŭ dumkach pryplusavać da ahulnaj, kab było pryjemniej.
Adnapakajoŭka hatovaja da kamfortnaha žyćcia: ramont u joj daŭno zrobleny, usio abžyta.
«Kvatera volnaja. Chutkaje afarmleńnie. Sanvuzieł — 7,2 kvadratnaha mietra. Dva mansardnyja vokny jak dadatkovaje dzionnaje śviatło. Kvatera moža być pradadziena z meblaj i bytavoj technikaj (chaładzilnik, pasudamyječnaja mašyna, varačnaja panel, vyciažka, kandycyjanier, pralnaja mašyna). Padłoha: parkietnaja doška i plitka», — udakładniajecca ŭ abjavie.
Pradajecca kvatera za 370 330 rubloŭ, abo $130 000 u ekvivalencie. Heta značyć, adzin kvadratny mietr abydziecca pakupniku amal u $3000 pa kursie.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary