Lamborghini admianiaje vypusk svajho pieršaha elektramabila: zusim niama popytu
«Pakupniki Lamborghini šukajuć u mašynach pierš za ŭsio emacyjny dośvied, jaki elektryčnyja technałohii nie zdolnyja zabiaśpiečyć».
Italjanski vytvorca luksavych supierkaraŭ Lamborghini aficyjna admoviŭsia ad płanaŭ pa vypusku svajho pieršaha całkam elektryčnaha aŭtamabila Lanzador, jaki mieŭsia źjavicca sieryjna ŭ 2028 hodzie.
Hienieralny dyrektar kampanii Stefan Vinkielman zajaviŭ, što dalejšaje raźvićcio hetaha prajekta ryzykuje pieratvarycca ŭ praźmierna darahoje zachapleńnie, pakolki realny popyt na elektrakary siarod klijentaŭ brenda akazaŭsia praktyčna nulavym. Pavodle jaho słoŭ, pakupniki Lamborghini šukajuć u mašynach pierš za ŭsio emacyjny vopyt, jaki sučasnyja elektryčnyja technałohii pakul nie zdolnyja zabiaśpiečyć u poŭnaj miery.
Zamiest poŭnaj elektryfikacyi kampanija zasiarodzicca na raźvićci hibrydaŭ i płanuje zachoŭvać u svajoj liniejcy tradycyjnyja ruchaviki ŭnutranaha zharańnia tak doŭha, jak heta budzie dazvalać zakanadaŭstva.
Rašeńnie Lamborghini supadaje z ahulnym trendam u suśvietnaj aŭtaindustryi, dzie najbujniejšyja hulcy, takija jak Stellantis, General Motors i Ford, ciarpiać šmatmiljardnyja straty i pierahladajuć svaje stratehii z-za zanadta aptymistyčnych prahnozaŭ na papularnaść elektrakaraŭ. Ekśpierty adznačajuć, što rynak sutyknuŭsia z fazaj padzieńnia cikavaści spažyŭcoŭ, što vymušaje aŭtavytvorcaŭ viartacca da bolš zvykłych i ekanamična apraŭdanych technałohij.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary