Biełaruskija pieravozčyki z daŭhami nie zmohuć zajechać u Rasiju
U Rasii z 1 vieraśnia ŭžyli ŭzmocnieny kantrol za rucham zamiežnych pieravozčykaŭ pa płatnych rasijskich darohach i asobnych učastkach.
Jak vynikaje sa źmienaŭ u fiederalnym zakanadaŭstvie ab aŭtapieravozkach, z hetaha času buduć praviarać apłatu za prajezd da vyjezdu fury z Rasii. Ab hetym paviedamili ŭ Biełaruskaj asacyjacyi mabilnych aŭtamabilnych pieravozčykaŭ, piša Office Life.
Razmova taksama idzie pra inšyja infrastrukturnyja płaciažy — naprykład, ab pakryćci škody, jakuju hruzaviki nanosiać aŭtadaroham.
U BAMAP padkreślili, što na płatnych učastkach tras A‑113 «Centralnaja kalcavaja aŭtamabilnaja daroha Maskoŭskaj vobłaści» (CKAD), M‑12 «Uschod» i A‑289 «Krasnadar — Słaviansk-na-Kubani — Ciamruk — aŭtadaroha A‑290 Navarasijsk — Kierč» dziejničaje biezbarjernaja technałohija płaciažoŭ «Svabodny patok». Hetaja sistema z dapamohaj niejrasietak aŭtamatyčna raspaznaje numary, vyznačaje marki, madeli i kłas mašyn. Heta dazvalaje kiroŭcam ruchacca biez spynieńnia, kab apłacić prajezd.
Dla hetaha na łabavym škle hruzavika staviać elektronnuju pryładu rehistracyi prajezdu — transpondar. Pry prajeździe praz ramki hrošy śpisvajucca aŭtamatyčna ź jaho asabistaha rachunka. Kali jano nie spracavała, abo jaho ŭvohule niama, abo tam niedastatkova srodkaŭ, na CKAD, M‑12 abo A‑289 sistema fiksuje numar fury. U takim vypadku, jak adznačyli ŭ BAMAP, kiroŭca pavinien ŭnieści hrošy na praciahu nastupnych piaci kalandarnych dzion.
U vypadku źjaŭleńnia zapazyčanaści za prajezd pa płatnych aŭtadarohach ci učastkach, ułaśniku transpartnaha srodku, akramia zabarony na vyjezd z Rasii, pahražaje štraf.
Taksama zamiežnym pieravozčykam z takimi daŭhami zabaranili ŭjezd u Rasiju.
Ciapier čytajuć
Delehatka KR Karpušonak paśla maŭčańnia apublikavała videa12
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary