«Dapamažycie — dach». Mahiloviec ź invalidnaściu, dom jakoha paciarpieŭ ad bury, paviesiŭ na chatu abviestku z prośbaj pra dapamohu
Žychar Mahilova Hienadź Zajcaŭ dva miesiacy marna sprabuje likvidavać nastupstvy lipieńskaha ŭrahanu. Stychija surjozna paškodziła dach doma, reakcyi z boku haradskich słužbaŭ nie było, a sam rady jon nie daje: mužčyna adzinoki, pieražyŭ ankałohiju. Mužčyna paviesiŭ prośbu pra dapamohu na dach i spadziajecca na nieabyjakavych ludziej, piša «MohilevOnłajn».
Dom i ŭčastak Hienadzia Zajcava, jaki pražyvaje pa adrasie Hryšyna, 49, prykmietna paciarpieli ad stychii. Častku płota źnieśli pavalenyja drevy, jakija i zaraz lažać u dvary, a mocny viecier paškodziŭ dach doma. Ciapier u im vialikija dziry. Ptuški ablubavali truchlavy dach i pačali pad im hniezdavacca.
Hienadź, jakomu 55 hadoŭ, pieranios ankałohiju, maje invalidnaść III hrupy i žyvie adzin na nievialikuju dapamohu. Hrošaj na ramont u jaho niama, baćki daŭno pamierli.
Mužčyna raspavioŭ, što źviartaŭsia va ŭsie mahčymyja słužby: u ŽEU №15 i №20, dzie jamu paviedamili, što dom nie ŭ ich viadzieńni, a taksama ŭ prafsajuz «Transmaša», dzie jon raniej pracavaŭ. Ale dapamohi nie atrymaŭ nidzie.
Hienadź sumlenna apłačvaje kamunalnyja pasłuhi, zachoŭvajučy ŭsie kvitancyi, i starajecca padtrymlivać dom u paradku. Adnak biez hrošaj kupić materyjały niemahčyma. Adna ź dzir u dachu była časova załatanaja kavałkam linoleuma, znojdzienym na śmietniku.
«Ja atrymlivaju tolki dapamohu pa invalidnaści — heta ŭsie maje srodki. Pracazdolnaść stračana na 80 pracentaŭ. Jak zmoh, tak i zakleiŭ dzirku, kab nie zalivała», — kaža mužčyna.
Prablema paharšajecca z nadychodam vosieni. Biez terminovaj dapamohi ramont stanie niemahčymym, a žyllo — nieprydatnym dla žyćcia. Na ścianie svajho doma Hienadź paviesiŭ šyldu z nadpisam: «Dapamažycie — dach» u nadziei, što niechta z mahiloŭcaŭ adhukniecca.
Ciapier čytajuć
Što za dvaccacihadovyja dziaŭčaty nalivajuć čaj Łukašenku4
Što za dvaccacihadovyja dziaŭčaty nalivajuć čaj Łukašenku
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary