Fanaty Tejłar Śvift hadajuć, što značyć kniha pra Šahała, Maleviča i Lisickaha, zaŭvažanaja ŭ anonsie da jaje novaha alboma
U siaredzinie žniŭnia śpiavačka pradstaviła svoj 12‑y studyjny albom The Life of a Showgirl. Šmatmiljonnaja armija fanataŭ Tejłar Śvift, jakaja viadomaja svajoj luboŭju da stvareńnia paschałak u muzycy i nie tolki, adrazu pačała šukać schavanyja ŭ videa padkazki.
Pra heta raspaviadaje vydańnie Chrysalis Mag. Anons novaha alboma, jaki vyjdzie 3 kastryčnika, adbyŭsia 13 žniŭnia ŭ efiry spartyŭnaha padkasta New Heights.
Adnym z hałoŭnych abjektaŭ uvahi śvifciz, jak nazyvajuć supolnaść fanataŭ śpiavački, stała palica z knihami pra mastactva za śpinaj Śvift. Aproč inšaha, na joj možna zaŭvažyć knihu pra Marka Šahała, Kazimira Maleviča i Ela Lisickaha.
Havorka idzie pra mastacki katałoh «Šahał, Lisicki, Malevič: ruski avanhard u Viciebsku, 1918—1922» (Chagall, Lissitzky, Malevich: The Russian Avant-Garde in Vitebsk, 1918—1922), vydadzieny da adnajmiennaj vystaŭki, jakaja prajšła ŭ 2018 hodzie ŭ paryžskim Centry Pampidu, a paśla była pakazanaja ŭ Jaŭrejskim muziei ŭ Ńju-Jorku.
Taksama na palicy jość knihi, naprykład, pra Žana-Mišela Baskija, Marka Rotka i mastačku Rut Asava. Nieviadoma, ci było heta zroblena naŭmysna, ale jak miarkujuć fanaty, knihi ŭtrymlivajuć adsyłki da alboma ci pakazvajuć upłyŭ tvorčaści mastakoŭ madernizmu na novy reliz Śvift.
Tak, błohierka Lusi Korban, siarod inšych, zaŭvažyła, što Baskija pamior 12 žniŭnia, u dzień, kali źjaviŭsia pieršy anons alboma. A «Čorny kvadrat» Maleviča staŭ natchnieńniem dla artysta Boska Sodzi, kniha pra art-prastoru jakoha taksama lažyć za śpinaj Śvift.
Jak piša Chrysalis Mag, možna mierkavać, što jarkija kolery i zvarot da cyrkavych vystupaŭ u tvorčaści Šahała taksama paŭpłyvali na albom. Bo hałoŭnaj jaho temaj stanie zakuliśsie apošniaha kancertnaha tura Śvift.
Amierykanskaje jaŭrejskaje vydańnie The Forward miarkuje, što hetaja paschałka da viciebskich mastakoŭ moža adnačasova adsyłać i da tvorčaj svabody avanhardystaŭ, i da pastajannaha abnaŭleńnia siabie i svajoj tvorčaści, i da mocnaha hramadskaha i palityčnaha cisku na tvorcaŭ.
Śpiavačka nijak nie kamientavała ŭsie hetyja knihi, ale raspaviała pra niekalki inšych paschałak, adna ź jakich źjaviłasia padčas jaje apošniaha kancerta.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary