Ministr unutranych spraŭ Polščy ličyć małavierahodnymi pieramovy Varšavy i Minska
Ministr unutranych spraŭ i administracyi Polščy Marcin Kierviński ličyć małavierahodnymi pieramovy Varšavy i Minska. Na jaho dumku, Biełaruś źjaŭlajecca satelitam RF, tamu sproba vyrašyć niejkija prablemy ŭ dvuchbakovym farmacie vyhladaje naiŭna. Pra heta jon zajaviŭ u efiry Radio Zet, piša Reform.news.
Viadučy ranišniaha efiru Bohdan Rymanoŭski zhadaŭ niadaŭniuju razmovu Donalda Trampa i Alaksandra Łukašenki i spytaŭ, ci nie nastupiŭ prydatny momant dla pieramoŭ z Łukašenkam, i ci nie varta polskamu boku zacikavić Donalda Trampa hetym pytańniem.
Treba adznačyć, što 3 vieraśnia prezident Polščy Karal Naŭrocki pavinien ździejśnić vizit u ZŠA.
«Jość cudoŭnaja mahčymaść: spadar prezident Naŭrocki budzie 3 vieraśnia ŭ Biełym domie, kab jon havaryŭ z prezidentam Trampam pra toje, kab uzmacnić cisk na Rasiju, tamu što mienavita pra heta idzie havorka — kab hety mihracyjny šlach i nielehalnaja hibrydnaja vajna skončylisia.
Razam z tym, ci nastaŭ čas dla pieramoŭ ź biełaruskim bokam, aficyjnych pieramoŭ? Spadar redaktar, niaŭžo vy nie bačyli tuju ŭčarašniuju karcinku: na miažy premjer Tusk i staršynia fon der Lajen. Raptam źjaŭlajucca ŭzbrojenyja biełaruskija sałdaty — kaniečnie, za biełaruskaj zaharodaj. U rešcie rešt, Biełaruś — dziaržava-satelit Rasii, viadzie palityku Pucina.
Sapraŭdy, siońnia kazać, što hetaje pytańnie moža być vyrašana ŭ miežach lubych dvuchbakovych pieramoŭ pamiž nami i Biełaruśsiu — heta było b davoli naiŭna», — adkazaŭ jon.
Bohdan Rymanoŭski spytaŭ, ci pryznaje ministr, što dla Polščy było b istotna, kab Biełaruś u mienšaj stupieni była krainaj-satelitam RF.
«Nam treba kłapacicca pra biaśpieku našaj miažy. I ja vielmi zadavoleny hetaj zajavaj, i ja spasyłajusia na ŭčarašni vizit na miažu spadaryni staršyni Ursuły fon der Lajen. Ja vielmi zadavoleny zajavaj, što Polšča budzie samym vialikim bienieficyjaram srodkaŭ u miežach SAFE, abo jeŭrapiejskich srodkaŭ na ŭmacavańnie źniešnich miežaŭ», — adkazaŭ Kierviński.
Ciapier čytajuć
Delehatka KR Karpušonak paśla maŭčańnia apublikavała videa9
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary