KDB vyklikaje biełarusaŭ, jakija pryjazdžajuć dadomu z-za miažy, na razmovy pra dziaržaŭnuju zdradu
Biełarusaŭ, jakija viartajucca z-za miažy dadomu, pačali vyklikać na prafiłaktyčnyja razmovy. Čarha dajšła navat da tych, chto nie ŭdzielničaŭ u pratestach paśla prezidenckich vybaraŭ u Biełarusi 2020 hoda i nie krytykavaŭ uładu, piša Deutsche Welle.
Pra što raspytvajuć siłaviki?
Žycharka Hrodzienskaj vobłaści raspaviała DW, što paśla viartańnia dadomu jaje pa telefonie vyklikali na razmovu ŭ miascovaje ŭpraŭleńnie KDB.
«Ja daŭno žyvu za miažoj, redka, ale ŭsio ž pryjazdžaju ŭ Biełaruś — da rodnych, pa dakumienty, — raspaviała jana. — Na miažy da mianie nie było pytańniaŭ, u pratestach nie ŭdzielničała, tamu vielmi ździviłasia, kali mianie vyklikali».
Subiasiednica pryznajecca, što supracoŭnik KDB adrazu papiaredziŭ: jaŭka abaviazkovaja, inakš pryciahnuć da adkaznaści.
Padčas razmovy, pavodle žančyny, jaje padrabiazna raspytvali, čym jana zajmajecca za miažoj, z kim kantaktuje, ci sprabavali jaje viarbavać miascovyja śpiecsłužby, ci čytaje jana zabaronienyja ŭ Biełarusi resursy, na jakija supołki padpisana, jak stavicca da dziejučaj ułady i čamu addaje pieravahu žyć za miažoj.
«Usie maje adkazy zapisali, — praciahvaje jana. — Potym supracoŭnik spytaŭ, ci viedaju ja, što takoje zdrada dziaržavie. Ja adkazała, što čuła pra takoje tolki ŭ savieckich filmach. Tady jon z arkuša začytvaŭ, jakija dziejańni mohuć rasceńvacca jak zdrada, jakaja za heta praduhledžana adkaznaść. I ja pavinna była padpisać dakumient, što mnie ŭsio heta patłumačyli». Pavodle subiasiednicy, u jaje skłałasia ŭražańnie, što «supracoŭniki vykonvajuć niejki płan pa prafiłaktycy». «Usio prajšło davoli sucha i farmalna», — kaža jana.
Viadoma, što na takija ž razmovy vyklikajuć i ŭ minski KDB, asablivaja ŭvaha nadajecca tym, chto pryjazdžaje ŭ Biełaruś redka, niekalki razoŭ na hod.
Tema dla razmovy ŭsio taja ž — papiaredžańnie pra adkaznaść za zdradu radzimie. Idzie havorka pra artykuł 356 KK. Pad zdradaj razumiejuć «vydaču dziaržaŭnych sakretaŭ, špijanaž, pierachod na bok voraha ŭ pieryjad vajny abo inšaje naŭmysnaje sadziejničańnie zamiežnaj dziaržavie abo arhanizacyi (abo ich pradstaŭnikam) u dziejnaści, nakiravanaj na pryčynieńnie škody nacyjanalnaj biaśpiecy RB».
Pakarańnie — pazbaŭleńnie voli ad 7 da 15 hadoŭ, dla čynoŭnikaŭ abo siłavikoŭ — ad 10 da 20 hadoŭ, abo pažyćciovaje źniavoleńnie, abo śmiarotnaje pakarańnie.
Ci zakonny vyklik u KDB pa telefonie?
Jak patłumačyŭ DW biełaruski juryst, pavodle zakona «Ab asnovach dziejnaści pa prafiłaktycy pravaparušeńniaŭ» hramadzianin abaviazany źjavicca na takuju razmovu, pryčym vyklikać mohuć navat pa telefonie abo paviedamleńniem u miesiendžary. U vypadku niajaŭki mohuć raspačać administracyjnuju spravu pa art. 23.4 KaAP, što pahražaje štrafam ad 2 da 50 bazavych vieličyń (84-2100 rubloŭ, heta 24-600 jeŭra) abo administracyjnym aryštam.
«Padčas prafiłaktyčnaj razmovy supracoŭnik pravaachoŭnych orhanaŭ raspaviadaje pra hramadskuju niebiaśpieku pravaparušeńnia, jakija za heta mohuć być nastupstvy, i pierakonvaje čałavieka nie parušać zakon, — tłumačyć ekśpiert. — Zvyčajna takija razmovy pravodziacca z hramadzianami, jakija ŭžo ździejśnili pravaparušeńnie. Ale farmalna pryčynaj moža być «padstava mierkavać», što čałaviek moža parušyć zakon».
Juryst kaža, što zakonam u Biełarusi ŭstanoŭlena tolki prykładnaja praciahłaść prafiłaktyčnaj razmovy — u miežach adnoj hadziny, ale na praktycy razmova moža doŭžycca i daŭžej.
«Padčas prafiłaktyčnaj razmovy nielha pravodzić dopyt, ale moža być schavanaja apieratyŭnaja miera — naprykład, aŭdyjazapis razmovy, heta treba ŭličvać, — kaža surazmoŭca. — Pavodle zakona, ahlad telefona moža być abo sa zhody jaho ŭładalnika, abo pa pastanovie prakurora. Na praktycy ludzi, bajučysia, što ich mohuć zatrymać, addajuć na vyvučeńnie svoj mabilny. Tamu lepš zahadzia pakłapacicca pra toje, kab u telefonie nie było materyjałaŭ, jakija siłaviki mohuć vykarystać dla palityčnaha pieraśledu».
Ci moža prafiłaktyčnaja razmova pieratvarycca ŭ viarboŭku?
Zvyčajna padčas prafiłaktyčnaj razmovy supracoŭnik afarmlaje pratakoł, jaki pa zakančeńni razmovy pieradajuć hramadzianinu na podpis. «Treba ŭvažliva, nie śpiašajučysia pračytać uvieś dakumient, udakładnić niezrazumiełyja momanty, — raić juryst. — Źviarnuć uvahu na prabieły ŭ dakumientach, kab supracoŭniki nie mahli tudy niešta dadać». U miežach prafiłaktyčnych mierapryjemstvaŭ, adznačaje ekśpiert, orhany dziaržaŭnaj biaśpieki mohuć vynieści aficyjnaje papiaredžańnie.
«Što tyčycca patencyjnaha pryciahnieńnia da kryminalnaj adkaznaści, nielha vyklučać i taki vynik padziej, — papiaredžvaje juryst. — Tamu jašče da vizitu na prafiłaktyčnuju razmovu treba ŭspomnić, ci było ŭdzieł u pratestach, danaty, kamientary i pasty ŭ sacsietkach, da jakich mohuć pryčapicca siłaviki. I ŭ pieršuju čarhu padumać pra svaju biaśpieku».
Ci moža prafiłaktyčnaja razmova pieratvarycca ŭ viarboŭku hramadzianina? Pavodle ekśpierta, u ramkach zakona — nie.
«Ale orhany dziaržaŭnaj biaśpieki mohuć pravodzić viarboŭku nie ŭ adpaviednaści z zakonami, a kirujučysia svaimi intaresami, — adznačaje juryst. — Hramadzianin nie abaviazany zhadžacca na takoje supracoŭnictva. Ale zychodziačy z praktyki, treba być hatovym, što supracoŭniki KDB mohuć akazvać cisk, vykarystoŭvać kampramietujučyja materyjały i pahrozy».
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
Pakarańnie — pazbaŭleńnie voli ad 7 da 15 hadoŭ, dla čynoŭnikaŭ abo siłavikoŭ — ad 10 da 20 hadoŭ, abo pažyćciovaje źniavoleńnie, abo śmiarotnaje pakarańnie.///
Łukašenka sadziejničaje inšaj dziaržavie i jaje pradstaŭnikam u dziejnaści, nakiravanaj na pryčynieńnie škody nacyjanalnaj biaśpiecy RB - dazvoliŭ vojskam inšaj dziaržavy zajści na terytoryju Biełarusi, karystacca vajennymi aeradromami, vieści bajavyja dziejańni z terytoryi Biełarusi.
Što moža pryvieści da ŭdaraŭ u adkaz pa Biełarusi, pa NPZ, infrastruktury i inšych abjektach.
Aryštujcie i pakarajcie Łukašenku za zdradu pa artykule 356.
P.S. dannyje priedpołožienija osnovany na riealnych sobytijach s kotorymi lično znakom.