Biełaruskija i polskija žurnalisty zaklikali Naŭrockaha padniać temu palitviaźniaŭ-kaleh na sustrečy z Trampam
Pradstaŭniki biełaruskich i polskich miedyjaŭ źviarnulisia da novaha prezidenta Polščy Karala Naŭrockaha pierad jaho vizitam u ZŠA z prośbaj padniać temu vyzvaleńnia Andžeja Pačobuta i 11 žurnalistaŭ telekanała «Biełsat», jakija zastajucca za kratami ŭ Biełarusi. List na adras Karala Naŭrockaha ad imia biełaruskich i polskich žurnalistaŭ nakiravała 1 vieraśnia hałoŭnaja redaktarka Belsat TV Alina Koŭšyk.
U liście, siarod inšaha, napisana:
«Prosim vas padčas budučaj razmovy z prezidentam Złučanych Štataŭ Donaldam Trampam padniać pytańnie ab vyzvaleńni Andžeja Pačobuta i adzinaccaci žurnalistaŭ telekanała «Biełsat», jakija dahetul zastajucca ŭ źniavoleńni režymu Alaksandra Łukašenki».
U liście adznačajuć, što apisanaja situacyja — nie tolki asabistaja i siamiejnaja trahiedyja źniavolenych, ale i ŭdar pa padmurkach demakratyi, jakija Polšča jak susied i siabar svabodnaj Biełarusi maje maralny abaviazak padtrymlivać. Supolny hołas Polščy i Złučanych Štataŭ u hetaj spravie moh by stać važnym žestam salidarnaści i padtrymki, tak nieabchodnaj siońnia biełaruskaj hramadzianskaj supolnaści.
Padpisy pad listom pastavili viadomyja žurnalisty biełaruskich i polskich ŚMI: hałoŭnaja redaktarka Belsat TV Alina Koŭšyk, hałoŭny redaktar partała Belsat.pl Michał Kacevič, žurnalistka Kanał Zero Arleta Bojkie, hałoŭny redaktar telekanała wPolsce24 Jacek Karnoŭski, hałoŭny redaktar Krytyki Politycznej Słavamir Sierakoŭski, byłaja dyrektarka Belsat TV Ahnieška Ramašeŭskaja, hałoŭny redaktar vydańnia «Novy čas» Siarhiej Pulša, hałoŭny redaktar partała BGmedia Viktar Marčuk, namieśnik dyrektara Polskiego Radia dla Zagranicy Piotr Pahaželski, žurnalistka Kanał Zero Jaana Pinkvart, hałoŭny redaktar Reform.news Fiodar Paŭlučenka, žurnalistka TOK FM Ahnieška Lichniarovič, suzasnavalnik Buro Media Alaksandr Jaraševič, dyrektarka partała «Naša Niva» Nastaśsia Roŭda, žurnalistka Kanał Zero Maryja Stepan, zasnavalnik «Biełaruskaha rasśledavalnickaha centra» Stanisłaŭ Ivaškievič.
Aficyjnaja sustreča prezidenta Polščy Karala Naŭrockaha z prezidentam ZŠA Donaldam Trampam maje adbycca ŭ Biełym domie 3 vieraśnia.
Łukašenka pra palitviaźniaŭ: Zabirajcie da siabie, viazicie ich tudy
Nobieleŭskija łaŭreaty paprasili Trampa damahčysia vyzvaleńnia biełaruskich palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
Kamientary