Беларускія і польскія журналісты заклікалі Наўроцкага падняць тэму палітвязняў-калег на сустрэчы з Трампам
Прадстаўнікі беларускіх і польскіх медыяў звярнуліся да новага прэзідэнта Польшчы Караля Наўроцкага перад яго візітам у ЗША з просьбай падняць тэму вызвалення Анджэя Пачобута і 11 журналістаў тэлеканала «Белсат», якія застаюцца за кратамі ў Беларусі. Ліст на адрас Караля Наўроцкага ад імя беларускіх і польскіх журналістаў накіравала 1 верасня галоўная рэдактарка Belsat TV Аліна Коўшык.
У лісце, сярод іншага, напісана:
«Просім вас падчас будучай размовы з прэзідэнтам Злучаных Штатаў Дональдам Трампам падняць пытанне аб вызваленні Анджэя Пачобута і адзінаццаці журналістаў тэлеканала «Белсат», якія дагэтуль застаюцца ў зняволенні рэжыму Аляксандра Лукашэнкі».
У лісце адзначаюць, што апісаная сітуацыя — не толькі асабістая і сямейная трагедыя зняволеных, але і ўдар па падмурках дэмакратыі, якія Польшча як сусед і сябар свабоднай Беларусі мае маральны абавязак падтрымліваць. Супольны голас Польшчы і Злучаных Штатаў у гэтай справе мог бы стаць важным жэстам салідарнасці і падтрымкі, так неабходнай сёння беларускай грамадзянскай супольнасці.
Падпісы пад лістом паставілі вядомыя журналісты беларускіх і польскіх СМІ: галоўная рэдактарка Belsat TV Аліна Коўшык, галоўны рэдактар партала Belsat.pl Міхал Кацэвіч, журналістка Kanał Zero Арлета Бойке, галоўны рэдактар тэлеканала wPolsce24 Яцэк Карноўскі, галоўны рэдактар Krytyki Politycznej Славамір Серакоўскі, былая дырэктарка Belsat TV Агнешка Рамашэўская, галоўны рэдактар выдання «Новы час» Сяргей Пульша, галоўны рэдактар партала BGmedia Віктар Марчук, намеснік дырэктара Polskiego Radia dla Zagranicy Пётр Пагажэльскі, журналістка Kanał Zero Яана Пінкварт, галоўны рэдактар Reform.news Фёдар Паўлючэнка, журналістка TOK FM Агнешка Ліхняровіч, сузаснавальнік Buro Media Аляксандр Ярашэвіч, дырэктарка партала «Наша Ніва» Настасся Роўда, журналістка Kanał Zero Марыя Стэпан, заснавальнік «Беларускага расследавальніцкага цэнтра» Станіслаў Івашкевіч.
Афіцыйная сустрэча прэзідэнта Польшчы Караля Наўроцкага з прэзідэнтам ЗША Дональдам Трампам мае адбыцца ў Белым доме 3 верасня.
Лукашэнка пра палітвязняў: Забірайце да сябе, вязіце іх туды
Нобелеўскія лаўрэаты папрасілі Трампа дамагчыся вызвалення беларускіх палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары