Не трэба ўспрымаць паступовасць як слабасць. Гэта адзіны рэальны шанец для Беларусі
У памяць пра Аляксандра Мілінкевіча Зянон Пазняк напісаў, што той быў «прыхільнікам мяккай сілы, паступовасці і кампрамісу». Адзначыўшы добрыя справы Мілінкевіча, такія як беларускі патрыятызм, спрыянне адукацыі і культуры, ягоны шлях Пазняк усё ж назваў супярэчлівым. Адкінуўшы ілюзіі, я лічу, што гэта адзіны магчымы шлях для Беларусі, піша ў фэйсбуку журналіст Дзмітрый Гурневіч.
Беларуская сіла заўсёды была ў дыпламатыі, кемлівасці і мудрасці. І сам Пазняк тут выдатны прыклад. Дамагчыся незалежнасці 25 жніўня 1991 года стала магчымым не дзякуючы «вешанню камуністаў», а кемлівасці Беларускага Народнага Фронту. Камуністаў не білі ў Авальнай зале, а пераконвалі і прасілі, карысталіся момантам іх страху і разгубленасці.
Ва ўспамінах Пазняка ёсць эпізод, калі дэпутат БНФ Голубеў абразіў словам дэпутата-камуніста Качана. Пазняк імгненна адправіў Голубева прасіць прабачэння ў Качана, бо ён ведаў, што без галасоў камуністаў Вярхоўны Савет, у якім іх большасць, ніякая Беларусь немагчымая.
Аляксандр Мілінкевіч быў ва ўладзе ўсяго 6 год, з 1990 да 1996-га. У яго ёсць шмат заслуг: і беларускія школы, і помнікі архітэктуры, назвы вуліц, каталіцкая духоўная семінарыя і шмат іншага. Зрабіць гэта можна было толькі дзякуючы кампрамісам, паступовасці і мяккай сіле.
Усё, што было талковага ў Беларусі за апошнія дзясяткі гадоў, рабілася такімі людзьмі ўнутры сістэмы або апантанымі беларусамі, якім такія людзі давалі зялёнае святло. Яны былі і будуць, нягледзячы на любыя чысткі. І за такіх людзей трэба трымаць кулакі. Бо менавіта дзякуючы ім Беларусь дыхае, хай сабе і дзякуючы штучнай вентыляцыі лёгкіх.
У савецкай Беларусі такіх было вобмаль, а ва Украіне багата. І менавіта яны там спрыялі большай нацыянальнай свядомасці народу. Ці быў гэты шлях супярэчлівым? Вядома. У гэты ж час украінскіх дысідэнтаў высылалі ў лагеры Сібіры. А ці была альтэрнатыва? Не.
Жыццё складанейшае, чым чорна-белая шкала.
Калі б у Беларусі было больш нацыянал-камуністаў, Зянону Пазняку не давялося б у 1980‑я рабіць раскопкі Дамініканскага касцёла і кансерваваць яго рэшткі або бараніць Нямігу ад знішчэння. Яны б стаялі на сваіх месцах. У Літоўскай ССР так і было, таму замак у Троках аднаўлялі ўжо ў 1960-я, калі Машэраў загадаў нішчыць менскі стары горад.
Беларусы — не пра захоп будынкаў і ўзброены супраціў. Яны пра логіку і халодны разлік. Асцярожным людзям паступовасць заўсёды бліжэй.
Калі прымалася Трэцяя ўстаўная Грамата БНР, людзі спрачаліся да раніцы. Луцкевіч ішоў на кампрамісы, бо ведаў, што без іх нічога не атрымаецца. Пазняк у 1991‑м і наступныя гады ў ВС таксама быў рэалістам, таму і дамогся многага.
Аляксандр Мілінкевіч не здолеў бы нічога без мяккай сілы. Не трэба ўспрымаць паступовасць як слабасць. Выглядае, што гэта адзіны рэальны шанец для Беларусі.
Правесці Аляксандра Мілінкевіча ў апошні шлях прыйшлі сотні беларусаў
Прэзідэнт Польшчы пасмяротна ўзнагародзіў Аляксандра Мілінкевіча
У Варшаве развітваюцца з Аляксандрам Мілінкевічам ФОТАРЭПАРТАЖ
«Са шляхетнай душой, але неверагодна сціплы». Вядомыя беларусы ўспамінаюць Мілінкевіча
«Правал, думаю. Капец». Севярынец расказаў, як Мілінкевіч скарыў вяскоўцаў ды лесавікоў на самай мяжы з Расіяй
Мілінкевіч пакінуў у спадчыну пасля сябе канцэпцыю, якая застаецца жыццяздольнай і актуальнай. Піша Мікола Бугай
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Час гуляе за нас, імерыя д'ябла памірае. Дзякуй НН, і Калі ласка больш інтэлектуальна- Беларускага стаміў жоўты ботэкс маскоўскай імперыі.