З 1 студзеня ва ўсіх навучальных установах Беларусі плануюць увесці электронныя дзённікі. Пра гэта паведаміў начальнік галоўнага ўпраўлення адукацыі Гродзенскага аблвыканкама Руслан Абрамчык, піша «Смартрэс».
Паводле слоў чыноўніка, да поўнага пераходу сістэмы ўжо падрыхтаваліся арганізацыйна і тэхнічна. Пакуль электронныя дзённікі ў эксперыментальным рэжыме выкарыстоўваюць прыкладна ў 300 школах. Гэта неабходна, каб праверыць працу платформы пры штодзённай нагрузцы, наладзіць рэзервовае капіяванне і пераканацца ў яе надзейнасці.
Што будзе з папяровымі дзённікамі, пакуль канчаткова не вырашана. Пасля таго як электронная сістэма запрацуе паўнавартасна, Міністэрства адукацыі вызначыць, ці трэба адмаўляцца ад паперы.
Абрамчык таксама адзначыў, што адміністрацыя школы можа размеркаваць паміж настаўнікамі абавязкі па вядзенні электронных дзённікаў, прадугледзеўшы за гэта адпаведную аплату, прэмію або надбаўку.
Што тычыцца выкарыстання гаджэтаў на ўроках, то гэта не забаронена. Па ўзгадненні з настаўнікам вучні могуць карыстацца планшэтамі з электроннымі падручнікамі або смартфонамі.
Міністр купіў сыну ў школу касцюм, кашулю, туфлі і заплечнік — колькі аддаў?
Настаўнік біялогіі ў Пінску прыносіць на ўрокі змяю
31 жніўня панядзелак, але Камароўка будзе працаваць
«Ён, напэўна, у паралельным сусвеце жыве». Парады міністра Іванца выклікалі буру рэакцый
Колькі прыватных школ і садкоў засталося ў Беларусі
Цяпер чытаюць
Стала вядомая асоба рабочага «Беларуськалія», які загінуў пры абрушэнні горнай пароды1
Каментары