ZŠA ŭ najbližejšyja dni razhledziać usie mahčymyja sposaby cisku na Rasiju
Ministr finansaŭ ZŠA Skot Biesient zajaviŭ, što administracyja prezidenta Donalda Trampa na hetym tydni razhledzić usie mahčymaści sankcyjnaha cisku na Rasiju, pakolki z momantu sustrečy Trampa z prezidentam Rasii Uładzimiram Pucinym na Alascy nijakich zruchaŭ na šlachu da miru va Ukrainie nie adbyłosia.
«Prezident Pucin paśla histaryčnaj sustrečy ŭ Ankorydžy, paśla telefonnaj razmovy, kali jeŭrapiejskija lidary i prezident Zialenski byli ŭ Biełym domie ŭ nastupny paniadziełak, dziejničaŭ całkam procilehłym čynam tamu, što, jak jon zajaŭlaŭ, jon mieŭ namier zrabić. Pa sutnaści, jon samym podłym, samym ahidnym čynam uzmacniŭ bambardziroŭki», — skazaŭ Biesient u intervju Fox News.
«Tamu ja dumaju, što z prezidentam Trampam usie varyjanty mahčymyja, i, dumaju, my budziem ich vielmi ŭvažliva vyvučać na hetym tydni», — adznačyŭ amierykanski ministr.
U paniadziełak, 1 vieraśnia, skončylisia čarhovyja dva tydni, jakija Donald Tramp davaŭ Pucinu, kab stać na šlach miru. Raniejšyja ultymatumy z vyznačeńniami kankretnych terminaŭ urešcie kančalisia ničym, tamu i ciapier jość sumnievy, što ZŠA sapraŭdy buduć prymuć sapraŭdy surjoznyja miery.
Tym časam Uładzimir Pucin na samicie Šanchajskaj arhanizacyi supracoŭnictva ŭ Kitai zajaviŭ, što «razumieńni», dasiahnutyja z Donaldam Trampam na pieramovach 15 žniŭnia, mohuć adkryć «darohu da miru», nie ŭdakładniŭšy, pra jakija mienavita «razumieńni» idzie havorka.
Frydrych Mierc: Vajna va Ukrainie praciahniecca jašče doŭha
Tramp paraŭnaŭ Pucina i Zialenskaha ź dziećmi na placoŭcy
Tramp razhladaje mahčymaść vykarystańnia dla harantyj Ukrainie amierykanskich PVK
Pucin paśla sustrečy z Trampam jedzie ŭ Kitaj śviatkavać pieramohu
Jarmak u ZŠA: Pasadzicie Rasiju za stoł pieramovaŭ — i Ukraina pieramoža
Tramp pra Rasiju i Ukrainu: Niavažna, što jany havorać. Usie zajmajucca paziorstvam
Tramp tak i nie ŭvioŭ sankcyi suprać Rasii i Pucina. Ci varta vieryć jaho novym pahrozam?
Kamientary