U Lvovie raźvitvajucca z zastrelenym eks-staršynioj Viarchoŭnaj Rady Andrejem Parubijem
U Lvovie raźvitvajucca z byłym staršynioj Viarchoŭnaj Rady, eks-kamiendantam Majdanu, kiraŭnikom samaabarony Majdanu Andrejem Parubijem, jakoha zastrelili 30 žniŭnia.
Cyrymonija pachavańnia Parubija pačałasia a 12:00 u Archikatedralnym sabory śviatoha Juryja. Ludzi pačali źbiracca na terytoryi chrama bolš čym za hadzinu da pačatku. Addać pašanu deputatu pryjšli rodnyja, kalehi, adnapartyjcy, siabry i lvavianie, piša «Ukrainskaja praŭda».
A 13:30 na Rynačnaj płoščy pačniecca hramadskaja cyrymonija raźvitańnia. Pachavajuć palityka na Łyčakaŭskich mohiłkach.
Andreja Parubija zabili ŭ subotu, 30 žniŭnia. Mužčyna, apranuty ŭ formu dastaŭščyka ježy, niekalki razoŭ streliŭ u palityka i ŭciok. U noč na 1 vieraśnia jaho zatrymali.
Kiraŭnik Nacpalicyi Ivan Vyhiŭski padkreśliŭ, što hety złačynstva nie vypadkovaje, i ŭ im prysutničaje rasijski śled. U čas pieršych dopytaŭ padazravany pryznaŭsia ŭ ździejśnieńni i paviedamiŭ pra svaje kantakty z pradstaŭnikami Rasii.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary