Jak utrymacca ad lišnich trat padčas šopinhu? Top-10 karysnych paradaŭ
Ci zadumvalisia vy, jakija hłabalnyja prablemy stajać za čarhovaj pakupkaj novaj sukienački abo dziasiataj paraj džynsaŭ?
«Vašynhton post» jašče dva hady tamu apublikavaŭ dadzienyja, što industryja mody zajmaje druhoje miesca pa zabrudžvańni navakolnaha asiarodździa, sastupajučy tolki zdabyčy nafty. Vytvorčaść adzieńnia zabrudžvaje reki, pavietra i hlebu płaniety niebiaśpiečnymi farbavalnikami i piestycydami, jakija vykarystoŭvajucca dla vyroščvańnia bavoŭny, lonu i inšych kultur. Štučnyja tkaniny i materyjały, jakija paŭsiudna vykarystoŭvajucca ŭ adzieńni, hnijuć da 500 hadoŭ.
Da taho ž žart, što tannaje adzieńnie šyjuć u ciomnych padvałach u Kitai, daloka nie žart. Mizernaja apłata pracy, vykarystańnie dziaciej u jakaści tannaj pracoŭnaj siły, parušeńnie pracoŭnych pravoŭ i pravoŭ čałavieka — tolki niekatoryja z nastupstvaŭ zališniaha spažyvańnia.
Ekanomija — nie hałoŭnaja pryčyna admovicca ad niepatrebnych rečaŭ. Kuplajučy mienš, vy kłapociciesia ab ekałohii, źnižajecie popyt na adzieńnie z mas-markietaŭ i vykazvajecie pratest industryi masavaha spažyvańnia. Nižej my sabrali 10 paradaŭ, jakija dapamohuć padychodzić da pakupak bolš uśviadomlena.
1. Pierad tym, jak kuplać rečy, pazbaŭciesia ad niepatrebnych
Viasna — cudoŭnaja nahoda razabrać svoj harderob. Dastańcie z šafy ŭsie rečy i raździalicie ich na tyja, što nosicie rehularna, i tyja, što nie dastavali ź minułaha hoda. Ad rečaŭ z druhoj kučy možacie śmieła admaŭlacca. Pasprabujcie pradać/razdać ich svaim siabroŭkam, prapanujcie na roznych barachołkach. Možna addać rečy ŭ sacyjalnyja ŭstanovy.
2. Rasstaŭcie pryjarytety
Pierad šopinham składzicie śpis nieabchodnych pakupak — heta zekanomić nie tolki hrošy, ale i čas. Zahadzia vyznačcie sumu, jakuju vy hatovyja vydatkavać. Kali biudžet abmiežavany, zasiarodźciesia tolki na samych nieabchodnych rečach. Inšymi słovami, kali vy idziacie pa novyja krasoŭki, nie zachodźcie ŭ kramy, dzie pradajuć sumki. Vy zekanomicie i čas, hrošy, i niervy, jakija istotna papsujucca, kali vy ŭśviadomicie, što znoŭ kupili jašče adnu nie nastolki patrebnuju vam reč.
3. Nie pahadžajciesia na kampramisy z samoj saboj
Kali reč vyklikaje jakija-niebudź sumnievy, nie kuplajcie jaje. Nie pahadžajciesia na toje, što «schudniejecie», «što kali nie zašpilać huzik, to ničoha nie tyrčyć, «što hety koler amal padobny na toj, jaki chaciełasia».
Kuplajcie tolki toje, pra što vy z upeŭnienaściu možacie skazać: «Tak, heta mienavita toje, što ja šukała».
Vy pavinny zakachacca ŭ novuju reč, u dumkach spałučać jaje z bolšaj častkaj svajho harderoba, płanavać, kudy ŭ joj pajści i z čym apranuć.
4. Nie śpiašajeciesia prymać rašeńni
Dziejsny sposab nie paddavacca impulsiŭnym pakupkam — padumać chacia b da zaŭtra. U mahazinie vam budzie zdavacca, što heta taja sama reč, jakuju vy šukali ŭsio žyćcio. Ale advieście jaje i parazvažajcie nad pakupkaj da zaŭtra. Kali na ranicu hetaje adčuvańnie nie projdzie, śmieła idzicie i kuplajcie. I pamiatajcie vyraz: «Vaša reč vas dačakajecca». A nie — značyć, i nie treba było, heta ŭsiaho adzieńnie.
5. Kuplajcie toje, što vam pasuje, a nie toje, što ŭ trendzie
Trendavyja rečy mohuć kłasna hladziecca ŭ instahramie, ale nie ŭ žyćci. Vy — niepaŭtornaja. Tamu nie treba hnacca za tym, «jak u inšych», bo ryzykujecie razam z rečami sa svajho harderobu trapić u padborku samych niedarečnych uboraŭ. Vy sapraŭdy tak chacieli mieć u harderobie letnija boty i leapardavyja łasiny?
6. Akcyi i rasprodaž — vam nie siabar
Nizkija ceny zaŭsiody spakušajuć kupić lišniaje, toje, što ŭ žyćci nie kupili b, kab heta kaštavała narmalnych hrošaj. Nu i zadajcie sabie pytańnie: «Ja b kupiła heta ci abyšłasia?»
Toje samaje datyčycca i akcyj. Chiba źnižka ŭ 30% — heta mnoha? A akcyja «kupi try pa canie troch»? Niaŭžo vam patrebnyja try amal adnolkavyja cišotki?
7. Kuplajcie jakasnyja rečy
Jakasnaje adzieńnie z naturalnych materyjałaŭ chaj i kaštuje daražej, ale ŭ vyniku całkam apraŭdvaje svaju canu. Vy budziecie nasić reč doŭha i z zadavalnieńniem. Tufli nie razvalacca ad pieršaha daždžu, a švedar nie raściahniecca paśla pieršaha myćcia.
8.Kuplajcie ź pierśpiektyvaj
Pytańni, jakija varta zadavać sabie pierad kožnaj pakupkaj: ci budziecie vy nasić hetuju reč praz dva hady? Ci spałučajecca jana z vašym harderobam? Kali jašče ŭ prymieračnaj vy nie viedajecie, z čym budziecie nasić novuju reč, lepš jaje adkłaści.
Samy praktyčny harderob — kapsulny, u jakim usie pamiž saboj spałučajecca.
Kali kuplajecie vierchniaje adzieńnie, sumki i abutak, zaŭsiody pytajciesia siabie, ci hatovyja vy nasić ich kožny dzień. Hetyja rečy — bazavyja, i jany pavinny maksimalna padychodzić da ŭsiaho.
9. Adzieńnie nie abaviazkova kuplać
Asabliva heta datyčycca rečaŭ, jakija vy źbirajecie kupić dla niejkaj admysłovaj padziei. Pamiatajcie, što jość prakat viačernich uboraŭ, a taksama jość siabroŭki, jakija nie daduć u hraź lasnucca na važnym mierapryjemstvie i, kaniečnie ž, padzielacca z vami svajoj sukienkaj.
10. Zadavajcie sabie fiłasofskija pytańni
Pytańnie, jakoje vy možacie sabie zadać: «Ci zmahu ja pražyć biez hetaj rečy?»
Amal u 100% vypadkaŭ adkaz budzie: «Tak». A kali tak, to lepš padumać, na što bolš karysnaje možna patracić svaje hrošy.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam5
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary