Rasijskija futbalisty zmahli padnieści svaim zaŭziataram padarunak u matčy adkryćci futbolnaha Čempijanatu śvietu. U prysutnaści Uładzimira Pucina, jaki asabista adkryvaŭ mundyjal, kamanda Stanisłava Čarčesava zmahła pakazać całkam niakiepski futboł.
Varta adznačyć, što supiernik rasijanam trapiŭsia taki, što lahčej nie byvaje — Saudaŭskaja Aravija. Futbalistaŭ z hetaj azijackaj krainy jaŭna nie adniasieš da favarytaŭ turniru. Aravijcy ŭ Rasii buduć vyrašać svaje łakalnyja zadačy.
Rasijanie zabili pieršy hoł užo na 12-j chvilinie. Bieź piaci chvilin hulec «Juvientusa» Hałavin naviesiŭ u štrafnuju, aravijec paśliznuŭsia i Juryj Hazinski z «Krasnadara» zabiŭ pieršy miač hetaha pieršynstva.
U siaredzinie tajma traŭmu atrymaŭ Ałan Dzahojeŭ i Čarčesaŭ byŭ vymušany vypuścić Dźmitryja Čeryšava. Mienavita hety futbalist zabiŭ druhi ŭ hulni miač. Hety hoł rasijan atrymaŭsia sapraŭdy pryhožym, pierad hetym Čeryšaŭ syšoŭ adrazu ad dvuch saudzitaŭ.
U druhim tajmie Rasija adznačyłasia jašče trojčy. Zabiŭ Arciom Dziuba, jaki vyjšaŭ na pole za chvilinu da hetaha. Znoŭ hałavoj, jak i Hazinski, i znoŭ z pasa Hałavina.
A potym dubl aformiŭ Čeryšaŭ. Voś takaja ŭdałaja dla rasijan atrymałasia traŭma Dzahojeva.
I kropku ŭ hetaj hulni pastaviŭ Hałavin. Adznačyŭsia jon pramym udaram sa štrafnoha. Hałavin vidavočna byŭ najlepšym hulcom matča. Pieramoha zbornaj Rasii ź likam 5:0.
U nastupnych matčach rasijanam budzie nie tak prosta. U hrupie ich čakajuć jašče jehipcianie i uruhvajcy. Zaŭtra a 15:00 hetyja zbornyja jakraz zhulajuć miž saboj.
Kab sačyć za čempijanatam było jašče cikaviej, raim vam zrabić staŭku ŭ Bukmiekierskaj kantory Marafon!
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary