Kampanija Samsung vypuściła kamieru 360 Round, jakaja abstalavanaja 17 kamierami (u tym liku 8 stereaparami, jakija raźmiaščajucca haryzantalna, i adnoj kamieraj, nakiravanaj uvierch) i moža zdymać 360-hradusnyja videa.
Kamiera abaronienaja ad vilhaci i pyłu na ŭzroŭni IP65. Z dapamohaj 17 kamier z abjektyvami f/1.8 i 6 ŭnutranych mikrafonaŭ pryłada moža zdymać videa dla stvareńnia virtualnaj realnaści. Paviedamlajecca, što joj taksama chapaje mahutnaści, kab tranślavać 3D-videa z razroźnieńniem 4K i častatoj 30 kadraŭ za siekundu. 360 Round abjadnoŭvaje vyjavy ŭ adnu (dla stvareńnia virtualnaha asiarodździa) z dapamohaj adpaviednaha prahramnaha zabieśpiačeńnia dla kampjutaraŭ.
U Samsung pišuć, što kamiera nie maje patreby ŭ aktyŭnym astudžeńni, što robić jaje cišej i lahčej za inšyja padobnyja pryłady. Abjom apieratyŭnaj pamiaci składaje 10 HB, a pastajannaj — 40 HB. Ale 360 Round usio adno budzie mieć patrebu ŭ mahutnym kampjutary — jak dla nastupnaj apracoŭki zapisanaha videa, tak i dla jaho žyvoj tranślacyi.
Kamientary