Piraty napali na sudna «Bi-bi-si Karybiean» la bierahoŭ Nihieryi i zachapili ŭ zakładniki marakoŭ z Rasii i Ukrainy, paviedamlaje VVS sa spasyłkaj na pasolstva Rasii ŭ Abudžy.
«U terytaryjalnych vodach Nihieryi adbyŭsia piracki napad na sudna «BBC Caribbean». Z borta sudna vykradzienyja siem hramadzian Rasii i hramadzianin Ukrainy», — havorycca ŭ paviedamleńni pasolstva ŭ tvitary.
Jak udakładniŭ pres-ataše rasijskaha pasolstva Arciom Ramanaŭ, napad adbyŭsia jašče 5 lutaha.
Pavodle danych vydańnia Maritime Herald, uzbrojenyja piraty na matornaj łodcy atakavali sudna ŭ Hviniejskim zalivie niedaloka ad naftavaha terminała ŭ rajonie delty raki Nihier.
Rasijskija dypłamaty źviarnulisia da ŭładaŭ Nihieryi z prośbaj ab sadziejničańni ŭ vyśviatleńni miescaznachodžańnia vykradzienych.
Hruzavoje sudna «BBC Caribbean», pa infarmacyi sajta marinetraffic.com, chodzić pad ściaham astraŭnoj dziaržavy Antyhua i Barbuda. Jak rasšyfroŭvajecca abrevijatura ŭ jaho naźvie, nie paviedamlajecca.
Piraty ŭ Hviniejskim zalivie rehularna zachoplivajuć u zakładniki marakoŭ roznych krain.
U dakładzie amierykanskaj arhanizacyi Oceans Beyond Piracy, jaki vyjšaŭ u mai 2016 hoda, havorycca, što Hviniejski zaliŭ staŭ samym niebiaśpiečnym miescam na Ziamli dla marapłaŭcaŭ z-za pavyšanaj aktyŭnaści pirataŭ. Jak havorycca ŭ dakładzie, raniej piraty pieravažna imknulisia zachoplivać naftavyja tankiery z-za ich hruzu, ale z padzieńniem cen na naftu jany pieraklučylisia na vykradańnie ludziej dziela vykupu.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary