Šef Pentahonu Hejts nazvaŭ varyjant raźmiaščeńnia supraćrakiet u Letuvie dobraj alternatyvaj Polščy. Dla Biełarusi ž heta zusim nia dobraja alternatyva. Piša ŭ svaim błohu Alaksandar Kłaskoŭski.
Premjer Kirkiłas u Pentahonie musiŭ artykulavać, što Letuva moža raźmiaścić, kali što, amerykanskija supraćrakiety. Šef Pentahonu Hejts, u svaju čarhu, nazvaŭ heta dobraj alternatyvaj Polščy. Dla Biełarusi ž rakiety ŭ Letuvie — zusim nia dobraja alternatyva.
Ja maju na ŭvazie intaresy biełaruskaha hramadztva. Što ž da načalstva, to jano moža akurat abradavacca takoj mahčymaści vyhadna pradać Maskvie stratehičny placdarm.
Čamu letuviski varyjant dla nas horšy? Vajskovy ekspert Alaksandar Alesin patłumačyŭ mnie tak: "Heta na paŭtysiačy kilametraŭ bližej da rasiejskich stratehičnych bazaŭ. Tamu Maskva adreahuje bolej nervova. Moža pačacca žorstkaja kontarhulnia. U pryvatnaści, paskoracca plany pastavak u Biełaruś kompleksaŭ "Iskander".
Hatovaść ža Vilni pajści nasustrač Pentahonu tłumačycca niekalkimi čyńnikami. Pa-pieršaje, pad hetu marku možna tanna madernizavać svajo vojska (chaj Vašynhton raskašelicca). Pa-druhoje, miž Vilniaj dy Varšavaj isnuje kankurencyja jak za status lepšaha chaŭruśnika ZŠA, tak i za rehijanalnaje liderstva.
Urešcie, letuvisy majuć poŭnaje prava samastojna vyrašać, ź kim i jak chaŭrusavać. Vokryki z Maskvy — heta adryžka imperskaha myśleńnia. Inšaja reč, što Biełaruś moža być uciahnutaja ŭ niebiaśpiečnyja hulni. Mała nam paŭzučaj ekanamičnaj ekspansii z uschodu! Čym ščylniejšy vajskova-palityčny aljans z Rasiejaj, tym macniejšaja pahroza niezaležnaści.
ZY. Inšaja reč, što varyjant ź Letuvoj nia jość fatalna niepaźbiežnym. Čuje serca, što palaki trochi pamienšać svaje apetyty (ciapier chočuć vytraści sa Štataŭ pad hetaj markaj 20 miljardaŭ dalaraŭ:), i hiešeft adbudziecca. Dla Biełarusi tak było b spakajniej.
ZYY. Nu, što ja kazaŭ? 3 lipienia polskaja televizija paviedamiła: Varšava z Vašynhtonam damovilisia :)
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary