«Takoje ŭražańnie, što jeŭrapiejskija partniory robiać usio, kab dyskredytavać ideały biełaruskich demakratyčnych sił», — zajaviŭ kiraŭnik arhkamiteta pa stvareńni Biełaruskaj sacyjał-demakratyčnaj partyi «Narodnaja Hramada» Mikałaj Statkievič na kansultacyjach pradstaŭnikoŭ biełaruskich apazicyjnych arhanizacyj i deputataŭ litoŭskaha siejma 11 listapada ŭ Vilni.
«Źniaćcie sankcyj, sustrečy z Alaksandram Łukašenkam… Heta toje, suprać čaho vystupajem my, ale robiać našy jeŭrapiejskija partniory. Navat kali ŭ vas vialikija ekanamičnyja intaresy ŭ supracoŭnictvie ź biełaruskimi ŭładami, nie pieraškadžajcie nam abaraniać krainu. Paśla nas mohuć pryjści za vami», — skazaŭ jon.
Pavodle słoŭ Statkieviča, u Biełarusi «stvorany maryjanietkavy režym, pa sutnaści, filijał Rasii, a biełaruskaja ekanomika — stratny filijał rasijskaj ekanomiki». «Kali Rasija stała biadniejšaj, schiema parazitavańnia na intehracyi, jakuju vykarystoŭvaje Łukašenka, straciła sens. Ciapier Rasija patrabuje za svaju dapamohu ŭsio bolšaha kantrolu nad suvierenitetam», — ličyć jon.
Palityk adznačyŭ, što biełaruskija ŭłady na ekanamičny kryzis «reahujuć nie reformami, a ŭsiaho tolki razmovami pra ich, pradajuć hetyja razmovy pra reformy Zachadu, ničoha nie źbirajučysia źmianiać ŭnutry krainy». «Łukašenka pryznačyŭ u parłamient dvuch pradstaŭnikoŭ niezaležnych arhanizacyj. Heta jaho słabaść, na jakuju jon pajšoŭ dziela źniaćcia sankcyj», — skazaŭ jon.
Pry hetym Statkievič ličyć, što biełaruski režym ničoha nie zrabiŭ, kab supraćstajać rasijskaj pahrozie. A tamu, padkreśliŭ jon, abaranić krainu moža tolki hramadzianskaja supolnaść.
Ź biełaruskaha boku ŭ kansultacyjach taksama ŭdzielničali sustaršynia kampanii «Havary praŭdu» Taćciana Karatkievič, staršynia ruchu «Za Svabodu» Juraś Hubarevič, staršynia Abjadnanaj hramadzianskaj partyi Anatol Labiedźka, sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski, namieśnik staršyni Biełaruskaj partyi «Zialonyja» Dźmitryj Kučuk i staršynia Biełaruskaj sacyjał-demakratyčnaj partyi (Hramada) Iryna Vieštard.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary