Kab pryvatyzavać monstraŭ sacindustryi, patrebien čas. Hrošyki ad hetych uhodaŭ realna pryduć niedzie pad nastupnyja prezydenckija vybary. Piša ŭ svaim błohu Alaksandar Kłaskoŭski.
U paniadziełak rasiejski aliharch №1 Dzierypaska tarhavaŭsia ŭ Miensku nakont MAZu. Nie asobnaj mašyny, jak vy razumiejecie :), a ŭsiaho hihanta biełaruskaj industryi. Adnaho z tych, pra jakija da pary da času patetyčna havaryłasia pad lozunham "Nie damo raspradać Radzimu!".
Siońnia praces rasprodažu pakaciŭsia jak śniežny kamiak z hary. Sa śvistam razychodziacca naprava i naleva akcyi bankaŭ. Turki — bieź piaci chvilinaŭ haspadary "BieSTu" (jakomu tak i nie dapamoh stać na nohi režym najbolšaha spryjańnia). Nazaŭtra paśla vizytu Dzierypaski stała viadoma, što rychtujucca da pryvatyzacyi jašče dźvie znakavyja adzinki "familnaha srebra" — "Naftan" dy "Palimir".
Kaniešnie, tamu ž Dzierypasku rana pacirać ruki, bo našyja načalniki, jak viadoma, haspadary svajho słova: chočuć — dajuć, chočuć — biaruć nazad. Ale ŭvohule trend vidavočny. Madel dziaržaŭnaha sacyjalizmu kanaje. "Błakitnyja fiški" iduć z małatka.
I voś što cikava. Niezaležnyja ekanamisty padkreślivajuć: kali letaś (voźmiem siužet z "Vełkomam") katastrafična niestavała valuty, kab raźličycca za haz i h.d., to zaraz sytuacyja inšaja. Znoŭ akryjaŭ handal naftapraduktami, imkliva daražeje kalij — tak što zamiežnyja hrošyki ŭ kaznu płyvuć spraŭna.
Naprošvajecca vysnova: naviersie ŭvajšli ŭ smak. Psychalahičny barjer pieraadoleny. Nieprazrysty "rasprodaž Radzimy" pakidaje elektarat indyferentnym. Ludzi nie pačuvajucca haspadarami ŭłasnaści, jakuju prapahanda šmat hadoŭ patetyčna nazyvała narodnaj. I namenklatura śpiašajecca kanvertavać uładu va ŭłasnaść, nieŭprykmiet źmianić madel — i pry hetym, jak i raniej, zdymać viarški.
I druhi momant. Kab pryvatyzavać monstraŭ sacindustryi, patrebien čas. Hrošyki ad hetych uhodaŭ realna pryduć niedzie pad nastupnyja prezydenckija vybary (tyja, nakont jakich užo skazana: "Rychtujciesia da horšaha"). Treba ž budzie kinuć toje-sioje na padtrymku štanoŭ elektaratu. Ź ciapierašniaj raskrutkaj inflacyi ŭ 2010-m i za abiacanyja 700 dalaraŭ jašče ci kupiš toje, što zaraz za 350.
Ciapier čytajuć
Što robiać ź biełarusami, jakich aryštavali, ale nie paśpiavajuć asudzić za pratesty. Jość dva šlachi4
Kamientary