Ekspert Alaksandar Alesin: Dzierypasku mohuć addać 50% akcyjaŭ MAZu.
«Mnie daŭno viadomy vašy prapanovy, cikavaść rasijskich kampanij da biełaruskaha mašynabudavańnia», — adznačyŭ kiraŭnik dziaržavy. I dla taho kab atrymać najbolšuju vyhadu ad prajektaŭ, kab vystajać va ŭmovach žorstkaj kankurencyi, treba pracavać razam, abjadnać namahańni zychodziačy z ahulnych intaresaŭ, dadaŭ prezident.
Źviartajučysia da Aleha Dzierypaski, Alaksandr Łukašenka skazaŭ:
«My hatovy budavać adnosiny na asnovie rynačnych, cyvilizavanych mietadaŭ. Mianie pryvablivajuć prapanovy, jakija vy zrabili jašče hod tamu». Strymlivajučym faktaram dla raźvićcia adnosin tady było toje, što anałahičnyja prapanovy Biełaruś atrymała i ad KamAZa, adznačyŭ prezident. «Ja hatovy prymać rašeńni, kali my ŭzhodnim padychody, ahulnaje bačańnie pierśpiektyŭ», — dadaŭ jon.
Alaksandr Łukašenka taksama padkreśliŭ, što apošnim časam mašynabudaŭničuju halinu Biełarusi značna madernizavali. «My, u pryncypie, mahli b kankuryravać i sami. Ale treba razumieć, što razam my zrobim bolš», — skazaŭ kiraŭnik dziaržavy. «Usio heta my budziem rabić vyklučna ŭ intaresach Biełarusi, vy, zrazumieła, u svaich», — dadaŭ jon.
U svaju čarhu Aleh Dzierypaska padkreśliŭ:
«Našy pradpryjemstvy supracoŭničajuć ź biełaruskimi bolš jak 20 hadoŭ. Dla nas stratehičnym pytańniem źjaŭlajecca nieabchodnaść vyznačycca sa svaimi partniorami na bližejšyja 10‑15 hadoŭ va ŭmovach usio bolšaj kankurencyi na mižnarodnych rynkach». Tamu, kali jość mahčymaść, treba zabiaśpiečyć spažyŭcam lepšyja ŭmovy i pryniać dla hetaha adpaviednyja rašeńni.
«Biełaruś i Rasija buduć adkryvać novyja rynki, tamu važna taksama toje, jak my budziem kankuryravać ź jeŭrapiejskimi vytvorcami», — adznačyŭ Aleh Dzierypaska.
***
Ekspert Alaksandar Alesin: Dzierypasku mohuć addać 50% akcyjaŭ MAZu
Ekanamičny ekspert hazety «Biełorusy i rynok» kamentuje vizyt kiraŭnika AAT «Ruskija mašyny» Aleha Dzierypaski.
«Naša Niva»: Aficyjnaja presa paviedamiła pra sustreču Alaksandra Łukašenki i kiraŭnika AAT «Ruskija mašyny» Aleha Dzierypaski. Niezaležnyja ŚMI pačali havaryć pra mahčymy prodaž MAZu rasiejcam…
Alaksandar Alesin: Pieršaja takaja sustreča adbyłasia jašče ŭ 1998 h. I ŭžo tady była ahučanaja prapanova Dzierypaski. Było pryniataje rašeńnie akcyjanavać pradpryjemstva i zatym pradać. Pačali ź niepramysłovych aktyvaŭ, adnak Dzierypaska prapanavaŭ śmiešnuju canu — usiaho 50 miljonaŭ dalaraŭ. Heta jahonaja firmovaja rysa — źbivać canu, albo z pačatku zbankrutavać pradpryjemstva, a paśla kupić. Tady jamu admovili.
«NN»: Pakul nie paviedamlajecca pra prodaž pradpryjemstva, havorka idzie pra kaaperacyju. Ale ci nie chavajecca za hetym niešta bolšaje?
A.A.: Takija sustrečy ŭ apošni čas byli nie adnojčy, tolki pra ich nie pisali aficyjna. Toje, što ciapier napisali, sapraŭdy śviedčyć pra surjoznaść namieraŭ. Sprava ŭ tym, što Alehu Dzierypasku MAZ nasamreč vielmi nieabchodny. Jon nabyŭ Jarasłaŭski aŭtazavod i dla poŭnaha kamplektu nie chapaje Mienskaha aŭtazavodu. Pytańnie tolki ŭ tym, nakolki jon zdoleje zacikavić biełaruski bok. Sapraŭdnaja cana MAZu — nie adzin miljard dalaraŭ. Ale, dumaju, Łukašenka nie addaść zavod całkam. Zvažajučy na vialiki intares z boku rasiejcaŭ, atrymać jany mohuć ad 25 da 50% akcyjaŭ.
«NN»: Nakolki chutki praces prodažu takoha abjektu?
A.A.: Praces doŭhi i, zhodna zakanadaŭstva, patrabuje vykanańnia šmatlikich praceduraŭ. Najpierš pradpryjemstva treba akcyjanavać, bo ŭ siońniašnim vyhladzie jaho nielha pradać. Pavodle zakonu nieabchodna pravieści konkurs, ale hetaje pytańnie možna vyrašyć z dapamohaj prezydenckaha ŭkazu. Zrešty, što da konkursu, to pakul što nichto tak surjozna,iak Dzierypaska, nie cikaviŭsia MAZam. Pracedura prodažu, takim čynam, moža raściahnucca nie mienš, jak na hod, a mo i bolej.
Kamientary