Na razhlad u sud nakiravali kryminalnuju spravu ŭ dačynieńni da 67-hadovaha mužčyny, jakoha abvinavačvajuć u žorstkim abychodžańni z žyviołaj, paviedamlaje ahienctva «Minsk-Naviny».
Niekalki hadoŭ tamu abvinavačany nabyŭ pnieŭmatyčnuju vintoŭku. U adzin z červieńskich dzion 2025 hoda mužčyna znachodziŭsia doma, u kvatery na vulicy Haładzieda. Jamu stała sumna, i jon uspomniŭ časy, kali chadziŭ na palavańnie. Tady piensijanier dastaŭ vintoŭku, vyjšaŭ na bałkon i ŭbačyŭ biazdomnaha kata, u jakoha i streliŭ.
Paranienuju žyviolinu znajšła nieabyjakavaja miascovaja žycharka i pieradała vałancioram. Tyja adnieśli kata ŭ vieterynarnuju kliniku, dzie ź jaho śpinnoha mozhu dastali kulu. Na žal, z-za atrymanaha paškodžańnia jon užo nie zmoža samastojna pierasoŭvacca.
Praz dva tydni ŭ kvateru piensijaniera pastukali milicyjaniery. Jon pryznaŭsia im u zroblenym. U dačynieńni da mužčyny ŭzbudzili kryminalnuju spravu. Pry hetym adznačajecca, što ŭ momant ździajśnieńnia złačynstva jon byŭ całkam ćviarozy.
«Abvinavačany raniej da kryminalnaj adkaznaści nie pryciahvaŭsia, — prakamientavała namieśnica prakurora Zavodskaha rajona Viktoryja Kuncevič. — Jamu vystaŭlena abvinavačańnie ŭ žorstkim abychodžańni z žyviołaj, jakoje paciahnuła jaje kalectva, učynienaje z chulihanskich i inšych nizkich matyvaŭ, heta značyć u złačynstvie, praduhledžanym č. 1 art. 339-1 KK, sankcyja jakoha — aryšt abo abmiežavańnie svabody na termin da dvuch hadoŭ».
«Zalez da jaje ŭ akno». Što havorać susiedzi dziaŭčyny, na jakuju ŭčora napaŭ chłopiec z nažom
Pad Minskam kamunalniki zabili sabaku i źjechali. U ŽKH va ŭsim abvinavacili «kanapnych krytykaŭ»
U vioscy pad Brestam miascovyja žychary rehularna kanfliktujuć z adpačyvalnikami. Dajšło da abstrełu elektramabila
Kamientary