Litoŭski bok čarhovy raz pakazaŭ niepavahu da svaich mižnarodna-pravavych abaviazacielstvaŭ. Takoje mierkavańnie vykazaŭ žurnalistam pres-sakratar MZS Biełarusi Rusłan Varankoŭ. Litva siońnia adnaviła rabotu dvuch punktaŭ propusku na miažy ź Biełaruśsiu.
«Nahadvajem, što rašeńnie ab zakryćci miažy było pryniata litoŭskim bokam u adnabakovym paradku, mieła vyklučna palityzavany charaktar i było pryniata pa-za praceduraj i terminami, praduhledžanymi dziejučymi mižnarodnymi dahavorami. Tak, naprykład, u adpaviednaści z dvuchbakovym pahadnieńniem ab punktach propusku praź dziaržaŭnuju miažu, aficyjnaje paviedamleńnie ab takich dziejańniach pavinna być nakiravana zahadzia: ad adnaho da piaci dzion u zaležnaści ad situacyi», — źviarnuŭ uvahu Rusłan Varankoŭ.
«Ciapierašniaje rašeńnie ab adnaŭleńni raboty punktaŭ propusku «Salečniki» i «Miedniki» (ź biełaruskaha boku — «Bieniakoni» i «Kamienny Łoh») znoŭ było pryniata z parušeńniem ustalavanych pracedur, — źviarnuŭ uvahu pres-sakratar. — Tym samym litoŭski bok čarhovy raz pakazaŭ niepavahu da svaich mižnarodna-pravavych abaviazacielstvaŭ».
Pavodle jaho słoŭ, taksama zastajecca ryzyka novaha adnabakovaha zakryćcia miažy Vilniusam, pra što litoŭskija ŭłady prama zajaŭlajuć. Heta moža abiarnucca surjoznymi nastupstvami dla prostych hramadzian i jurydyčnych asob.
«U suviazi z hetym zastajecca aktualnaj prapanova biełaruskaha boku ab praviadzieńni kansultacyj na ŭzroŭni ministerstvaŭ zamiežnych spraŭ dźviuch krain dla vypracoŭki ŭstojlivaha rašeńnia pa pytańni funkcyjanavańnia punktaŭ propusku na biełaruska-litoŭskaj miažy i praduchileńnia padobnych situacyj u budučyni. Nam, Respublicy Biełaruś i Litoŭskaj Respublicy, patrebna miaža, jakaja nie raździalaje, a abjadnoŭvaje narody! My zychodzim z hetaha. Usio zaležyć ad uładaŭ Litvy», — adznačyŭ aficyjny pradstaŭnik MZS Biełarusi.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
To bok, my budziem srać pad vašy dzviery, i davajcie kansultavacca, što z hetym rabić, i kab nas heta abjadnoŭvala, a nie razdzialiala...