«Ja była stomlenaja, nienafarbavanaja». Biełarusku nie chacieli prapuskać na miažy praz fota ŭ pašparcie
Dla Kaciaryny stała niečakanaściu, kali pamiežnik paprasiŭ jaje zatrymacca. Biełarusy spračajucca ŭ kamientarach, ci padobnaja jana na siabie ŭ pašparcie, piša BGmedia.
Biełaruska Kaciaryna dvoje sutak dabirałasia ŭ Hruziju na aŭtamabili praz Rasiju. Na miažy z Hruzijaj u jaje ŭźnikli prablemy, tamu što pamiežnik nie paznaŭ jaje na fota ŭ pašparcie. Dziaŭčynu navat paprasili pačakać ubaku. Paśla paŭtornaj pravierki jaje ŭsio ž prapuścili. A ŭ kamientarach pad videa ŭ TikTok razharełasia dyskusija, jak pravilna fatahrafavacca na pašpart.
Čamu biełarusku nie chacieli prapuskać
«Mianie prosta nie paznali na miažy. Ja była stomlenaja, dva dni ŭ darozie, nie nafarbavanaja. Viadoma ž, u pašparcie ŭ mianie pryhožaja fatahrafija, dzie ja takaja z čyrvonymi vusnami, nafarbavanaja, sabranaja, prosta pryhažunia. <…> U mianie nie było sił i nastroju niešta kamuści dakazvać. Vielmi doŭha hladzieli na mianie, na fatahrafiju, skazali: «Prysiadźcie». Ja pasiadzieła, potym mianie zaprasili, pahladzieli jašče raz — i ŭsio, prosta prapuścili. Ale sam fakt… Heta vielmi niepryjemna, kali ciabie źviarajuć, ty razumieješ, što heta ty. Chto tam jašče moža być. <…> I takoje byvaje», — raskazała Kaciaryna ŭ videa.
U kamientarach pad videa pačałasia dyskusija. Niekatoryja biełarusy ličać, što na pašpart treba fatahrafavacca zvyčajna, nie farbavacca:
«Tamu i prosiać fatahrafavacca biez makijažu. Nie ŭ paprok vam. Prosta pierakonvajusia, što ŭ pašpartnym kantroli nie durni siadziać. Ja taksama nafarbavanaja na pašpart, ale mienš jarka».
«Voś tak zaŭsiody, adbyłasia lińka. Tak što zaŭsiody lepš rabić aryhinał na fota, a nie pierad lińkaj».
Kaciaryna patłumačyła, čamu ŭ jaje takaja fatahrafija ŭ pašparcie:
«Ciapier ja taksama pačynaju heta razumieć, ale pašpartu bolš za 5 hadoŭ, i raniej ja realna tak kožny dzień chadziła. Mianiajecca čas, i my sami».
Biełarusy spračajucca, ci padobnaja Kaciaryna na fota ŭ pašparcie. Chtości piša «vidać, što heta vy, stomlenaja ci nie», a chtości adkazvaje, što «na videa i na fota dva roznyja čałavieki: forma brovaŭ, vačej, vusnaŭ i nosa», «realna dva roznyja čałavieki».
Taksama kamientatary padzialilisia svaimi historyjami. U kahości padobnyja prablemy:
«Było, było, paśla hetaha ŭ mianie fobija na kožnym pašpartnym kantroli».
«Mianie taksama nie paznajuć. Tolki ja, naadvarot, vyhladaju lepš u žyćci».
«Taksama takaja była situacyja, na 6 hadzin praź mianie aŭtobus zatrymali».
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary
Na pašparcie vielmi pryhožaja, mnie padabajecca.
[Zredahavana]