USU znoŭ nanieśli ŭdar pa Razanskim NPZ. Ad papiaredniaha nie prajšło i tydnia
U noč na 20 listapada padraździaleńni USU nanieśli paŭtorny ŭdar pa Razanskim naftapierapracoŭčym zavodzie, paviedamiŭ Hienštab Uzbrojenych sił Ukrainy.

Jak paviedamlajecca, zafiksavanyja traplańnie pa abjekcie i pažar u zonie ŭstanovak druhasnaj pierapracoŭki nafty. Dakładnyja maštaby paškodžańniaŭ jašče vyśviatlajucca.
Razanski NPZ, mahutnaść jakoha składaje 17,1 miljona ton nafty ŭ hod, źjaŭlajecca adnym z najbujniejšych u RF. Jon vypuskaje aŭtabienzin roznych marak, dyzielnaje paliva, avijacyjnuju karasinu TS-1, zvadkavanyja hazy i inšyja naftapradukty. U siarednim zavod štohod vyrablaje kala 840 tysiač ton avijacyjnaha paliva i maje važnaje značeńnie dla zabieśpiačeńnia Pavietrana-kaśmičnych sił rasijskaj armii.
Raniej pra ŭdar pa Razanskim NPZ paviedamlałasia 15 listapada. Usiaho ž z pačatku 2025 hoda USU jak minimum vosiem razoŭ atakavali hety zavod.
Kamientary